وقفة العيد تلغى إجازة الحلاقين والموضة السنة دى تسريحة «رونالدو»
وقفة العيد تلغى إجازة الحلاقين والموضة السنة دى تسريحة «رونالدو»
- وقفة العيد
- عيد الأضحى
- صالون حلاقة
- حلاقين
- تسريحات
- محال الحلاقة
- تسريحة رونالدو
- الموضة
- موسم العيد
- كريستيانو رونالدو
- وقفة العيد
- عيد الأضحى
- صالون حلاقة
- حلاقين
- تسريحات
- محال الحلاقة
- تسريحة رونالدو
- الموضة
- موسم العيد
- كريستيانو رونالدو
«المحل يفتح أبوابه لاستقبال الزبائن يوم الاتنين» لافتة علّقها بعض الحلاقين هذا الأسبوع، حيث تزامن يوم العطلة الأسبوعية لهم مع وقفة عيد الأضحى، وهو ما دعاهم إلى التأكيد على أن صالوناتهم مفتوحة خلال الموسم.
عبد الوهاب محمد، صاحب محل حلاقة بمركز ميت غمر بالدقهلية، أعلن حالة التأهب والاستعداد القصوى لموسم العيد قبل قدومه بنحو 5 أيام: «أنا مش بقفل المحل بتاعى 24 ساعة شغال حتى يوم أجازتى هشتغل دى الوقفة يعنى السهرة للصبح».
«تسريحة كريستيانو رونالدو» هى أكثر القصات طلباً خلال موسم العيد هذا العام: «الشباب كلهم عاوزين يقلدوا قصات شعر لعّيبة الكورة والفنانين المشهورين وعلى رأسهم كريستيانو وميسى ونيمار»، ويعد إقبال الزبائن على محال الحلاقة خلال هذا الموسم كبيراً مقارنة بموسم عيد الفطر: «العيد ده ليه طقوس فى الوقفة مختلفة عن العيد الصغير، معظم الناس بتكون خارجة من الصيام ومكسلة تعمل حاجة.. فيه زباين بتيجى تحلق فى أيام العيد».
وعن الأسعار فإنها تتراوح خلال فترة العيد بين 40 و60 جنيهاً: «على حسب هيعمل إيه لو شعر ودقن 40، لو الموضوع فيه ماسْك أو كريم بيوصل لـ60 ودى أسعار خاصة للعيد».
«أول مرة هفتح وأشتغل يوم الاتنين» كلمات وائل على، حلاق بمنطقة بولاق الدكرور، فعلى مدار 15 عاماً لم يصادفه العمل يوم الاثنين سوى مرات قليلة تعد على أصابع اليد الواحدة: «مضطرين عشان ده الموسم بتاعنا.. موضة العيد السنه دى هى إن الشعر يتخف من الجناب والخط اللى بيتعمل بالمكنة ده مستمر». وتصل أسعار الحلاقة إلى 20 جنيهاً: «أصلا أنا لو غليت عن كده مش هلاقى زبون أنا بشتغل فى حى شعبى».
