صحف «ثورة يوليو» فى وسط البلد.. النسخة بـ«10 جنيه»

10:33 م | الأحد 29 يوليو 2018

مانشيتات عريضة، متراصة فوق بعضها بشكل منظم، يلفت محتواها الذى يشير إلى فترة قيام ثورة 23 يوليو أنظار المارة، وتستوقفهم سخونة العناوين وما تحمله من تفاصيل تاريخية مهمة.

أمام مكتبه بشارع باب اللوق، فى وسط البلد، يرص يومياً محمد منصور، عامل بالمكتبة، نُسخ لجريدتى «الشعب» و«المصرى»، اللتين يصل عدد صفحاتهما 8 ورقات من الحجم الكبير، وسعرها 10 جنيهات، وعرضتها المكتبة منذ شهر، بالاتفاق مع دار الشعب: «هما اللى عندهم النسخ القديمة وبيطبعولنا كل فترة كمية نبيعها وناس كتيرة بتيجى تشترى لأن دى ذكرى، وثقافة عامة فى نفس الوقت».

{long_qoute_1}

أعمار مختلفة، باع لها «محمد» الصحف المدون عليها سعر 10 مليمات، رغبة من المشترين فى معرفة سياسة البلد حينها، وطرق تناول الموضوعات بجانب الاحتفاظ بها للذكرى.

«إسرائيل تتحرك»، «على باشا ماهر يؤلف الوزارة الجديدة»، عناوين لفتت نظر نادين لطفى، المرأة الستينية، التى قررت شراء إحدى النسخ لقراءتها مع أحفادها وأولادها، علماً بأنها معتادة على متابعة الأخبار من خلال تصفّح مواقع الإنترنت: «الحاجات اللى زى دى تبقى نادرة جداً، ومش من السهل نلاقيها فى أى مكان عاملة زى كتاب التاريخ بالظبط، اشتريتها عشان أوريهم لأحفادى عشان يشوفوا مصر زمان كانت إزاى والمخاطر اللى كانت بتواجهها».