مغردون لطلاب الثانوية: "طلعتوا من عنق الزجاجة ودخلتوا على الشاليموه"

06:06 ص | الجمعة 13 يوليو 2018

دشن عدد من مستخدمي موقع التدوينات القصيرة "تويتر"، هاشتاج "الثانوية العامة"، تفاعلًا مع ظهور نتيجة الثانوية العامة.

وأوضح المستخدمون من خلال تفاعلهم مع الهاشتاج، أن نتيجة الثانوية العامة ليست نهاية المطاف، كما سخر آخرون من الضغط الذي يتعرض له طلاب المرحلة الثانوية، بينما عبر البعض الآخر عن الكليات التي اختاروها.

وكتبت "أم ريحانة": "نقول مبروك يا جماعة طلعتوا من عنق الزجاجة دخلتوا للشاليموه".

#الثانويه_العامه
نقول مبروك يا جماعه
طلعتوا من عنق الزجاجه دخلتوا للشاليموه
— ام يحيي ريحانه (@mFv7dKRlsoDphEp) July 13, 2018

وكتب آخر: "لطلاب الثانوية العامة، مرحبا بكم في كلية تجارة".

#الثانويه_العامه
لطلاب الثانويه العامه، مرحبا بكم في كلية تجاره..
— مُوهامّٙد (@Bee_Cool_95) July 13, 2018

وقالت نجوى: "اللي مقدروش يوصلو لمجموع يرضيهم إرضوا باللي ربنا كتبه وكن متأكدا إن كل حاجة بتحصل خير ليك حتى لو أنت مش شايفها كدا وعادي جدا أنت ممكن تبدع وتفكر وتبقى أهم من واحد جاب مجموع عالي مش بالمجموع والله يا جماعة، بالعقل والتفكير هتكوّن نفسك".

#الثانويه_العامه
اللى مقدروش يوصلو لمجموع يرضيهم ارضو باللى ربنا كتبه وكن متأكد ان كل حاجه بتحصل خير ليك حتى لو انت مش شايفها كدا وعادى جدا انت ممكن تبدع وتفكر وتبقي اهم من واحد جاب مجموع عالى مش بالمجموع والله يا جماعه . بالعقل والتفكير هتكوّن نفسك .
— Negma Warda (@Negma_) July 13, 2018

وقالت هالة: "كله محصل بعضه".

كله محصل بعضه .. #الثانوية_العامة
— Hala Quraan (@Halaquraan) July 13, 2018

وكتبت إسراء: "بتفكرني بآخر مرة كان في خانة العشرات رقم 9.. 92% دفعه 2017".

#الثانويه_العامه بتفكرني باخر مره كان ف خانت العشرات رقم ٩ ٩٢٪ دفعه ٢٠١٧
— بتاعت الفرنساوي (@esraashabana_) July 13, 2018

وكتبت رانيا: "ده موسم سقوط الكبار.. وأنا سقطت".

#الثانويه_العامه
بابا هو انت مش متابع كاس العالم ؟
- اه
و الموسم دا موسم سقوط الكبار ؟
- ايوا
طب انا سقطت pic.twitter.com/vIKLnOufba
— Rania Mostafa (@Raniaelaksher) July 13, 2018

وكتبت ناني عز: "ابن عمي محمد وبنت عمي أميرة جابو 100% أميرة 60% ومحمد 40%".

ابن عمي محمد وبنت عمي اميرة جابو 100%
=اميرة 60%
=محمد 40%
#الثانويه_العامه
— Nany Ezz (@Naden_EZz_) July 13, 2018

وقال إيتو: "بكره تعرفوا إن فرحتكم بنتيجة الثانوية متجيش حاجه جنب فرحتكم وانتوا بتعدوا صافي من الكلية".

#الثانويه_العامه
بكره تعرفوا ان فرحتكم بنتيجه الثانويه متجيش حاجه جنب فرحتكم وانتوا بتعدوا صافى من الكليه
— Eto'o (@Hakawi000) July 13, 2018

وكتب سمير: "الحمدلله 98.9% حلو قوي شيلُه من الشاحن بقى".

#الثانويه_العامه
- الحمدلله 98.9%
= حلو اوي شيلُه من الشاحن بقي.
— سمير عبد المنعم (@samir_mohamd) July 13, 2018

وكتب أحمد الدمرداش: "خدعوك فقالوا الثانوية العامة بداية الطريق وإن الطب والهندسة والصيدلة هي كليات القمة.. لا يا عزيزي القمة في ذاتك القمة فيما تستطيع أن تضيف وأن تبدع فيه.. فكر خارج الصندوق وإبحث عن ذاتك تكن على القمة".

خدعوك فقالوا الثانوية العامة بدايه الطريق و ان الطب و الهندسه و الصيدله هي كليات القمة ... لا يا عزيزي القمة في ذاتك القمة فيما تستطيع ان تضيف و ان تبدع فيه ... فكر خارج الصندوق و ابحث عن ذاتك تكن على القمة ...#الثانوية_العامة
— Ahmad EL Demerdash (@AhmadDemerdash) July 13, 2018

وقال محمد: "الحمد لله ابن أخويا نجح وجاب 21% بس محتارين ندخله إيه هو عايز طب أسنان وأنا بقوله خليك في صيدلة".

الحمد لله ابن اخويا نجح و جاب 21٪ بس محتارين ندخله ايه هو عايز طب اسنان وانا بقوله خليك في صيدلة#الثانويه_العامه
— ‏םבםב ⁦⁩ (@3bdel3aty10) July 13, 2018

وكتب محمد مجدي: "معظم أغنى وأنجح وأشهر ناس على الكوكب النهاردة مكملوش حتى تعليمهم الجامعي، الطموح لا يشترط له شهادات".

معظم أغنى وانجح وأشهر ناس على الكوكب النهاردة مكملوش حتى تعليمهم الجامعي، الطموح لا يشترط له شهادات. #الثانوية_العامة
— Mohamed Magdy (@Mohamed51866714) July 13, 2018

وقال محمد جمعة: "الحمد لله جبت 93.5% ودخلت أحلى كلية وشوفت وعرفت أحلى صحاب وإخوات اللي بفتخر بصُحبتهم وبحمد ربنا على كُل حال وربنا يديم عليه نعمته يارب".

الحمد لله جبت ٩٣.٥ ودخلت احلى كليه وشوفت وعرفت احلى صحاب واخوات اللى بفتخر بصُحبتهم وبحمد ربنا على كُل حال وربنا يديم عليه نعمته يارب #ذكريات #الثانوية_العامه
— محمد جمعه اللـون∞ (@Gom3aa_looon) July 13, 2018

وقالت هنده: "زي إنهاردة من 4 سنين كنت نايمة عادي قالولي جبتي 91% وكملت نوم برضو واتخرجت من تربية وعاطلة ونايمة برضو".

#الثانويه_العامه زى انهاردة من 4 سنين كنت نايمه عادى قالولى جبتى 91 و كملت نوم برضو و اتخرجت من تربيه و عاطله نايمه برضو
— Henda (@Henda12116238) July 13, 2018