المذاكرة بعيداً عن دوشة البيت: روح «coworking space»

09:43 م | الاثنين 22 مايو 2017

هدوء، واى فاى، تصميمات لافتة، غرف معزولة عن ضوضاء الشارع، أماكن لأخذ جزء من الراحة، وأخرى لعقد الاجتماعات، مشروبات متوافرة بكل أنواعها بين الساخن والمثلج، طقس تقدّمه أماكن كثيرة لجذب الطلاب للاستذكار بها عُرفت باسم «coworking space»، تروج لها الكثير من الصفحات على مواقع التواصل الاجتماعى «فيس بوك وتويتر»، حتى أصبحت حديث طلاب الجامعات، وبديلة للكافيهات التى تقدّم خدمات أقل بتكلفة مرتفعة.

فى حلوان، قرّر 4 من طلاب جامعات مختلفة الاشتراك فى افتتاح أول مشروع للمذاكرة بالمنطقة، وحسب عبدالله غنيم أحد الشباب الأربعة: «كنت باقعد مع أصحابى فى أماكن بعيدة فى المعادى، ففكرنا إننا نبدأ نفتح المشروع فى حلوان، لأن الطلاب بيحتاجوا مكان زى كده أوقات الامتحانات». الساعة بـ5 جنيهات للفرد، ويوم كامل بـ15 جنيهاً.. تكلفة بسيطة وضعها «عبدالله» وشركاؤه كمقابل ثابت نظير الخدمات المقدمة: «فيه عندنا غرف لاجتماعات مشاريع الطلبة، أو لو مجموعة طلاب عايزين يذاكروا سوا، اللى بيتعود على المكان مابيعرفش يغيره، وكمان المكان بيتيح كورسات مختلفة إنجلش، وicdl».

فى العباسية أيضاً، وإلى جوار جامعة عين شمس، يوجد أكثر من مكان يوفر هذه الخدمة، منة بركات، تعمل فى أحد هذه الأماكن، ترى أن الإقبال كبير من قِبَل الطلبة على أماكن الاستذكار لما توفره من هدوء، ربما لا يكون متوافراً فى البيت: «أكتر حاجة بيحبها الطلبة فى الأماكن دى هى اللمة اللى بتشجعهم على المذاكرة، وفى نفس الوقت الهدوء، إلى جانب التكلفة القليلة، مقارنة بأسعار الكافيهات». من العاشرة صباحاً وحتى العاشرة ليلاً يستقبل المكان الكثير من الطلاب يومياً: «عندنا غرف مجهّزة بتتحجز لاجتماعات المشاريع وأماكن للريست والمكان بيتيح أن الطالب يقدر يشرح لمجموعة فى هدوء وبعيد عن الملل وبنقدم كورسات فى الإجازة بالصيف».