مهرجان الضحك فى «الفالنتين»: انسوا الأزمة الاقتصادية.. واضحكوا

09:57 م | الثلاثاء 14 فبراير 2017

«بيها بتكسب قلوب ملايين وتعدى حواجز بالسنين حافظ عليها وخليها سلاحك فى أى لحظة ضعف، خليها طريقك علشان تكسب أى قلب، وخليها هدفك علشان تكمل بنجاح»، مقطع ترويجى لـ«مهرجان الضحك»، الذى أطلقته شيماء الصغير، 33 عاماً، داخل الأماكن العامة والمولات الشهيرة والهيئات الحكومية والشركات الخاصة بالتعاون مع موظفى خدمة العملاء، فى محاولة لاستعادة الضحكة، التى فقدت بريقها مؤخراً، بسبب الأزمة الاقتصادية التى تمر بها البلاد. «استغلينا الفالنتين علشان نرجع الضحكة تانى على وشوش المصريين، نروح للناس فى أماكنهم ونحاول نسعدهم ونسليهم بمسابقات وهدايا»، كلمات الفتاة الثلاثينية التى راودتها الفكرة من العبوس الذى تراه على وجوه المصريين: «المصرى طول عمره ابن نكتة ودمه خفيف، لكن الأزمة اللى بيمروا بيها مخلياهم دايماً شايلين الهم، علشان كده حبينا نبسطهم بدون مقابل»، موضحة أن المهرجان تضمن توزيع «ماسكات» على شكل وجوه ضاحكة وإجراء مسابقات بين المشتركين بتمثيل مواقف كوميدية لـ«إسماعيل يس وزينات صدقى». «بختك من ضحكتك»، «هل ضحكتك خليعة أم شريرة؟»، «بأمر الحب»، بعض فعاليات المهرجان الذى صنع بهجة فى الشوارع، ولفت انتباه المارة، وحسب «شيماء» فإن المشاركين فى المهرجان أجروا عدة تدريبات على الضحك، من خلال تمرين «يوجا الضحك»، الذى يعمل على إخراج الطاقة السلبية بتمرين تنفس صناعى: «لما يحاولوا يشدوا وشهم علشان يضحك واحدة واحدة هيلاقوا نفسهم بيضحكوا تلقائى.. وهو ده هدفنا».