لو كنت مكانه: لو كنت مكان شاب أهله بيعاملوه على إنه لسّه صغير؟
لو كنت مكانه: لو كنت مكان شاب أهله بيعاملوه على إنه لسّه صغير؟
شريف ناصر، 20 سنة: هعمل كل حاجه نفسى فيها.. علشان هبقى عارف إنى مش كبير وهيقولوا عيل وغلط.
على سمير، 23 سنة: هسيب البيت علشان يحسوا إنى كبرت خلاص وممكن أعمل أى حاجة.
نادين لولى، 21 سنة: هثبت لهم بالأفعال وطريقة النقاش إنى كبيرة، وده هياخد وقت ومواقف كتير.
نور أيمن، 21 سنة: هشتغل وأعتمد على نفسى وأثبت لهم إنى كبيرة وقد المسئولية.
محمود محسن، 21 سنة: ممكن أكتئب وأبقى إنسان انطوائى مليش دعوة بحد، أو آخد موقف وأحاول أثبت ليهم إنى مش صغير وماقولش حاضر وخلاص.
هيثم ناصر، 21 سنة: هتعامل عادى لأن ده شعور طبيعى عند الأم والأب إنه مهما كبرت حفضل صغير فى نظرهم، لكن لو الموضوع زاد بشكل ملحوظ هحاول أفهمهم وأناقشهم.
محمد ناصر، 20 سنة: اعمل كل حاجة صح تثبت لهم إنى كبرت، وأحاول أشوف موهبة عندى وأنجح فيها، بالمعنى الأصح «افعل أكثر مما أتكلم».
نعمان سيد، 23 سنة: حقول رأيى فى كل حاجة علشان يعرفوا إنى بقيت على قدر كبير من النضج العقلى، ولو ما اتغيروش هسيبها بظروفها والأيام تثبت إنى خلاص كبرت.
