لو كنت مكانه: بعد ما ارتبطت بحد اكتشفت إن مش هو ده اللى عاوز تكمل حياتك معاه؟

نيرمين عبدالعزيز، 24 سنة: «هقول له إننا مش متفاهمين ومش متوافقين وواضح إن اللى بينا مكانش حب».

إنجى عبدالوهاب، 26 سنة: «هصارحه بكل وضوح لأن فعلاً ممكن تُعجب بحد وبعدين تحس إنه لا».

آية زكى، 23 سنة: «هقول له عادى مش هخاف على مشاعره أكيد فيه حاجات ناقصة طالما عايزة أسيبه».

مصطفى عيد، 22 سنة: «هحاول أتقبلها كده ولو معرفتش لازم أسيبها».

إسماعيل الأدهم، 21 سنة: «هقول لها إنى مش لاقى نفسى معاها وطلعت مش هى اللى أنا عايزها حتى لو الحقيقة مرة بس لو حاولت أراعى مشاعرها هدخل نفسى فى حوارات».

إبراهيم حرك، 25 سنة: «لازم نتناقش عشان نتفق أو نختلف ولو اختلفنا يبقى الفراق جه بالنقاش وبعد اختلاف وجهات نظرنا».

محمود عفان، 22 سنة: «مش هكمل وهلحق البلا قبل وقوعه.. هقول لها مش معقول أكمل حياتى مع واحدة مش بحبها ومش اللى أنا عايزها هبقى بظلمها».

إسلام فرغلى، 21 سنة: «هقول لها بشكل لائق عشان ماحرجهاش لأنى لو كملت وأنا مش مقتنع أكيد هظلمها معايا».

• سى فى
• آية
• أنا
• إبر
• سى فى
• آية
• أنا
• إبر