لو كنت مكانه: شاب جاله فرصة عمل بس فى محافظة بعيدة عنه؟
لو كنت مكانه: شاب جاله فرصة عمل بس فى محافظة بعيدة عنه؟
شيماء صلاح (21 سنة): هقبله طبعاً لو كان فى مجال أنا شغوفة بيه لأنى هعتبرها خطوة فى تحقيق هدف أكبر، لكن لو كان بعيد عن مجالى أو شغفى هرفضه.
علياء حسام الدين (19 سنة): هوافق لو المنطقة اللى جاتلى فيها فرصة الشغل متوفر فيها خدمات معيشية مناسبة ليا.
خلود قطب (22 سنة): هوافق إنى أشتغل هناك لفترة مؤقتة لحد ما أبنى نفسى ويبقى عندى قاعدة تسهل عليا إنى ألاقى شغل هنا فى القاهرة بعد كده.
الشيماء سعيد (20 سنة): مش هوافق، لأنى مرتبطة بأهلى وأهلى أكيد مش هيوافقوا إنى أكون مغتربة.
مصطفى (22 سنة): لا مش هوافق حتى لو كان بمبلغ كبير لأن فكرة البعد عن الأهل لفترة طويلة ما تساويش أى مقابل.
صهيب عادل (21 سنة): هقبله بنسبة كبيرة فى حالة لو مفيش أى فرص عمل فى المنطقة اللى أنا فيها وفى المقابل مش هقبله لو كان فيه فرصة عمل حتى لو صغيرة هنا.
أيمن سرور (25 سنة): ممكن أقبل إنى أشتغل فى الأقاليم لكن بشرط أن يكون الشغل ده هيوفر لى مكان إقامة ليا ولأسرتى.
على سمير (22 سنة): الشغل فى الأقاليم هوافق عليه عادى إذا كان مرتبط بمجال دراستى.
