«الشاطر حسن والقصبجى والزناتى» تقود «مرماح» الخيول فى أسوان

08:53 م | الجمعة 22 يناير 2016

«يا أرض اتهدى ما عليكى أدى»، «سيب الملك للمالك مفيش خيول غير عندنا»، كلمات يرددها أصحاب الخيول المشاركة فى «مرماح» الخيول بالكوبانية مركز أسوان، الذى يُنظم كل عام فى نفس التوقيت، حيث تتسابق الخيول لمسافة تصل إلى 3 كيلومترات، وسط حضور الآلاف من أهالى محافظتى أسوان والأقصر.

«الشاطر حسن، القصبجى، الزناتى، الإنجليزى، الفاتح والموازين»، هى الأسماء التى منحها للخيول الحاج حسين عبدربه، من مشايخ نجع الجمعاوية بمركز إدفو شمال محافظة أسوان، حيث تأتى من مختلف المراكز والقرى التابعة لمحافظتى أسوان والأقصر، وتتمكن من الفوز فى سباقات الخيول على مستوى المحافظة، سواء فى بلانة أو بنبان أو إدفو أو الكوبانية، حيث يوضح «عبدربه» أن الهدف الرئيسى من السباق هو التعارف والتقارب بين أبناء العمومة، سواء الجعافرة أو العبابدة أو البشارية، وباقى القبائل العربية. يتحدث «عبدربه» عن حصانه «الزناتى»: «مولود من 5 سنين، ومتربى على الغالى والدلع، لدرجة إنى مقدرش أستغنى عنه ومشوفهوش ولو لمدة يوم، أنا اشتريته من فترة بـ20 ألف جنيه، وبالرغم من إن فيه ناس عرضت عليَّا فلوس أكتر مرضتش أبيعه، لأنى بعتبره جالب الحظ لينا ولأسرتنا، ده غير إن اللى معاه خيل بيبقى مَلِك فى بلده، سعر الخيل كل يوم فى زيادة، وبيوصل الواحد أحياناً لـ100 ألف جنيه».