مكتب «شكاوى المياه والصرف الصحى» غارق فى «المجارى» والقمامة

09:32 م | الجمعة 04 ديسمبر 2015

بركة من مياه الصرف الصحى تتصاعد منها روائح كريهة، مشهد استرعى انتباه محمد أحمد أثناء زيارته لمكتب شكاوى المياه والصرف الصحى بمدينة بدر ليشكو انقطاع المياه المستمر بمنطقته، لكنه فوجئ بالمبنى الذى جاء يحمل شكواه إليه محاصراً بمياه الصرف. ليست هناك طريقة لدخول المبنى إلا بحيل صعبة يلجأ إليها البعض، إلا أن الرجل الخمسينى قرر العودة لمنزله، يقول: «مكتب الشكاوى لسه مفتوح من أيام، ولما زادت شكاوانا من الميّه اللى دايماً بتقطع بالساعات جيت أقدّم شكوى، ولقيت المبنى نفسه محتاج اللى يسمع شكواه، ولقيته غرقان فى مية المجارى وحالته أصعب من حالتنا، على الأقل إحنا الميه مقطوعة مش عايشين وسط الصرف». «محمد» يضيف: «لما مكتب شكاوى المياه يبقى غرقان فى المجارى، أمّال إحنا المفروض نعيش فى بلاعة؟ ده غير إن مفيش حد فى المقر إلا موظف واحد شفته خارج منه بصعوبة، ولما سألته أدخل إزاى أقدّم شكوى؟ قال لى إن المكتب مفتوح 3 أيام فى الأسبوع بس، وتعالى بكرة واحنا ناخد منك الشكوى بطريقتنا ونحلها».

{long_qoute_1}

معاناة المواطنين لم تختلف عن الموظفين. سامى على، أحد موظفى المكتب، الذى يقع عمله وسط مياه المجارى، يقول: «الميه حوالينا مابتنشفش، على طول البلاعة بتسرّب، ده غير الزبالة اللى فيها، الناس تيجى ماتعرفش تدخل لنا وبتستغرب إننا مكتب الشكاوى وعندنا صرف صحى مغرّق المكان»، وأضاف: «بتحصل إصلاحات، لكن البلاعة ترجع تسرّب تانى، ومش عارفين السبب إيه؟».