السرنجات الملوثة تحاصر «الزهور» فى المنصورة

08:29 م | السبت 31 أكتوبر 2015

أكياس دم فارغة، سرنجات مستعملة، خراطيم ملوثة، مخلفات طبية فوجئت بها وفاء محمد، بمحيط حضانة أبنائها فى المنصورة، لم تستوعب بعدها المشهد لتصرخ: «دى كارثة»، صدمة انتابت الشابة الثلاثينية من مشاهد التلوث التى تلاحق أطفالها، فأسرعت بإبلاغ «حضانة الزهور» بسرعة نظافة محيطها حرصاً على سلامة الأطفال: «إحنا دايماً بنشوف زبالة جوه المدارس وبراها، بس عمرى ما شفت مخلفات طبية مرمية بكل إهمال جنب حضانة فيها أطفال، يعنى ممكن أى طفل يلعب فيها وهو مش فاهم ويجيله أمراض، دى كارثة مايتسكتش عليها». {left_qoute_1}

وعد حصلت عليه من إدارة الحضانة بحل المشكلة والتواصل مع المحافظة، لمنع المستشفيات من تكرار الأمر: «إدارة المدرسة وعدونى إنهم هيحلوا المشكلة ويخاطبوا المسئولين فى المحافظة عشان يوصلوا للمستشفيات اللى بترمى مخلفاتهم بكل إهمال فى الشوارع، وبقالنا شهر من يوم ما المدارس رجعت على هذا الحال، لا المخلفات اتشالت ولا حد سأل فينا بعد ما بلغنا». مشهد التلوث الذى رفضته «وفاء»، والدة طفل بالحضانة، أكدته حسناء الجبالى، مُدرسة فى الحضانة، بإلقاء المستشفيات المجاورة مخلفاتها الطبية فى شوارع منطقة الخمسة بالمنصورة، التى تقع فيها الحضانة، فتقول: «دى أول مرة تحصل السنة دى وفعلاً كارثة، إحنا كلنا رافضين الإهمال بإلقاء المستشفيات مخلفاتها فى محيطنا أو فى الشوارع عموماً، وبلغنا أكتر من مرة فى مجلس المدينة والمحافظة، وبرضو مفيش فايدة، كل ما ننضّف حوالين الحضانة ترجع المستشفيات ترمى مخلفاتها فى الشارع والأطفال يمرضوا».