وزير النقل لمسئولى السكة الحديد بدمنهور: «إيه الإهمال ده؟»

10:55 م | الثلاثاء 29 سبتمبر 2015

«السكة الحديد تقول للناس الساعة مش مظبوطة، ويا إما نفكها ونشيلها يا إما نصلحها، يا جماعة احترموا الناس»، هذه كلمات قالها وزير النقل المهندس سعد الجيوشى، مساء أمس الأول، لمسئولى السكة الحديد فى دمنهور، للتعبير عن غضبه من تعطل ساعة المحطة، خلال زيارة مفاجئة، تفقّد فيها محطة قطارات دمنهور ومزلقان «جزيرة البط» والكوبرى العلوى، الذى يتم إنشاؤه حالياً، وكان برفقته المحافظ الدكتور محمد سلطان، وقيادات السكة الحديد.{left_qoute_1}

وزاد غضب الوزير، عندما اكتشف حجم الإهمال فى عملية صيانة المحطة، مضيفاً «إيه ده يا جماعة فهمونى، إيه سوء النظافة وعدم الصيانة ده؟، فين المقاول، وفين مشرف الصيانة، اللى ماعملش دوره كما يجب، يتحول إلى النيابة العامة عشان يتحاسب». واستطرد «المفروض أنه لو المقاول لسه شغال فى المنطقة لازم يحيط المنطقة بشرائط سلامة وأمن، حماية للناس وحتى لا يصاب أحدا»، وأضاف «إيه الإهمال ده». وتعهد «الجيوشى» بزيارة المحطة مرة أخرى بعد شهر لمتابعة أعمال الصيانة، والتأكد من إنجازها بالشكل المطلوب. وتفقّد الوزير مزلقان «جزيرة البط» بدمنهور، وأزعجه قدم وتهالك المعدات والأجهزة الموجودة داخل مكتب مسئول المزلقان، خاصة التليفون القديم جداً، الذى وصفه بأنه «يعيدنا إلى ما قبل العصر الحجرى». وسأل «الجيوشى» عامل المزلقان: «إيه ده؟، وبتستخدمه إزاى؟»، واستفسر من مسئولى السكة الحديد، عما إذا كان المزلقان بأجهزته موضوعاً فى خطة التطوير من عدمه.