ميشيل ميلاد يوجه رسالة لمؤلفي مسلسل النص: المواقف حقيقية

عبّر الفنان ميشيل ميلاد عن سعادته الكبيرة بمشاركته في مسلسل النص، بطولة الفنان أحمد أمين، معربًا عن إعجابه بجودة العمل واحترافية فريق الكتابة.

وكتب ميشيل عبر صفحته بموقع «فيسبوك»: «أكتر شيء بيسعدني لما بشتغل في مشروع جديد إني أحس إن الورق مش محتاج يحصل فيه أي تغيير.. ده بالظبط اللي حصل في مسلسل النص.. شوفوا المؤلفين الجامدين دول كانوا بيفكروا في كام حاجة».

ميشيل ميلاد يشيد بأداء كتاب مسلسل النص

وأضاف ميشيل: «أولاً تفاصيل المسلسل كله ماتكونش فيها أي حاجة بعيدة عن العصر اللي بتدور في أحداث المسلسل.. من أول وصف المشاهد والديكورات والإكسسوارات.. مرورا باختيارهم للكلمة والجملة بحيث إن اللي بيتفرج مايحسش غنه خرج من زمن التلاتينات.. ثانيا: المواقف حقيقية سريعة مترابطة وبتضحك ومع ذلك محافظين على الخط التراجيدي اللي لازم يكون عايش فيه عبد العزيز النص بسبب مأساة أخوه».

وأكمل ميشيل: «ثالثا رسم الشخصيات فيها تباين واضح.. فكل شخصية في المسلسل طلعت بشكل مختلف تماما عن باقي الشخصيات، وده بالنسبة للممثل شيء مهم جدا لان منه بيقدر يكريت ويشتغل ويدور على تفاصيل شخصيته.. حقيقي كل التحية والتقدير للمؤلفين الجامدين جدًا اللي عملوا مسلسل النص.. عبد الرحمن جاويش.. شريف عبد الفتاح.. وجيه صبري».

نجاح مسلسل النص

يذكر أن مسلسل النص يعتبر واحدًا من أبرز الأعمال التي تعرض هذا الموسم، حيث حقق تفاعلًا واسعًا من الجمهور والنقاد على حد سواء.

• النص
• مسلسل النص
• أبطال النص
• أحمد أمين