البلوجر محمد فرج عن تجربة التحليق في سماء «العلمين الجديدة»: خطفت قلبي

لم يصدق ما رآه أثناء تحليقه في سماء مدينة العلمين بـ«الباراموتور»، فبجانب الأبراج الشاهلة، كان شكل المياه من الأعلى مذهلا؛ كل شي يسرق القلب ويخطف الأنظار كما وصف البلوجر محمد فرج مدينة العلمين الجديدة، خلال حديثة في أولى حلقات برنامج «عيش العلمين»، والذي تعرضه الصفحة الرسمية لـ«المهرجان».

البلوجر محمد فرج يكشف كواليس التحليق فوق العلمين

وقال فرج في أول حلقة من برنامج «عيش العلمين»: «اتبسط أوي شوفت العلمين كلها، الأبراج دي شكلها من فوق أكبر من تحت مش عارف إزاي، شوفت وحدات سكنية «كومباوند» كتير أوي، المنظر من فوق تحفة والبحر حلو أوي، أول مرة أجرب بارموتور فوق البحر وشكلي هبات فوق بعد كدا، كمان الهو يجنن».

وكانت صفحة مهرجان العلمين الجديدة روجت للحلقة من قبل عبر الصفحات الرسمية للمهرجان على «فيسبوك» و«إنستجرام» بنشر مقطع فيديو والتعليق عليه: «مستعد تعيش العلمين؟ أول حلقة من برنامج عيش العلمين مع محمد فرج، هياخدنا في رحلة في قلب مهرجان العلمين، ونشوف عالم من الترفيه والرياضة والحفلات.. استنونا الحلقة الجاية خليك عايش العلمين».

أسئلة تكشف اسرار محمد فرج

ومن خلال مجموعة من الأسئلة الشخصية تحدث البلوجر محمد فرج عن أسرار في حياته عبر «عيش العلمين»، قائلًا بخفة ظل: «أكتر حاجه بحبها البحر الأبيض، وكنت بفضل الساحل الشرير بس دلوقتي الساحل الطيب، بحب من الفنانين تامر حسني جدًا والراب ويجز، في مهرجان العلمين لو خيروني بين عمرو دياب، تامر حسني ويجز هختار تامر حسني طبعا»، وتحدث عن فترة الزواج قائلًا: «الجواز أحلى فترة طبعا وأكتر 3 مميزات فيه والأهم المشاركة وإن في حد عايش معاك وعموما مليان ممميزات وأهم حاجه تاكل عيش».

• مهرجان العلمين
• مهرجان العلمين.. العالم عالمين
• محمد فرج
• عيش العلمين
• مهرجان العلمين
• مهرجان العلمين.. العالم عالمين
• محمد فرج
• عيش العلمين