رسالة مؤثرة من ابن معلمة توفيت أثناء الحج: «فراقك صعب يا أمي»
رسالة مؤثرة من ابن معلمة توفيت أثناء الحج: «فراقك صعب يا أمي»
- وفاة في الحج
- بني سويف
- وفاة معلمة
- وفاة معلمة في بني سويف
- مناسك الحج
- وفاة في الحج
- بني سويف
- وفاة معلمة
- وفاة معلمة في بني سويف
- مناسك الحج
حالة من الحزن الشديد يعيشها أهالي مركز إهناسيا بمحافظة بني سويف، بعد وفاة هناء حلمي، معلمة بإحدى المدارس، أثناء أدائها مناسك الحج بالأراضي المقدسة، لينعاها ابنها بكلمات مؤثرة تقشعر لها الأبدان.
محمد السيوفي، ابن هناء حلمي، المعلمة التي توفيت بالأراضي المقدسة، نشر صورته رفقة والدته عبر صفحته بموقع التواصل الاجتماعي فيسبوك، موجها رسالة مؤثرة، قائلاً: «أنا عارف ياما إنك مبسوطة دلوقتي ومش حزينة، إنتي عارفة اني كنت بحبك اوي ومكنش حد مهون عليا حياتي غيرك، كنت عايش عشانك يا أمي، كنت بنزل عشانك إنتي، النهارده نزلوني وإنتي مش موجوده في البيت».
رسالة مؤثرة للشاب
وأكمل السيوفي رسالته المؤثرة: «أنا قاعد ياما مكان ما كنت بنام جنبك يا نور عيني، مكنتش بترضي تنامي في شقتك وأنا موجود عشان تقعدي معايا، طب أنا ياما هعيش وحداني كده خلاص، مفيش حد هيرن يطمن عليا تاني ولا يسال حي ولا لا، يا أمي وحتي لو حد سأل مش هيكون مهم بنسبالي بعدك يا فقيدة حياتي وعمري وقلبي قطعتي بيا أوي ياما».
تركت العيدية لابنها قبل السفر
وتحدث الشاب عن بعض الذكريات المؤثرة مع والدته قائلاً: «فراقك كسر ضهري ياما، ده أنا عندي 25 سنه وكنتي سايبالي العيدية وإنتي مسافرة، طول عمرك وإنتي بتيجي علي نفسك عشان تراضيني، أنا مبسوطلك اوي والله ربنا عوضك عن كل أذي شوفتيه في الدنيا، بس فراقك صعب أوي عليا وكسرني يا أمي، والله ملحقتش حتي ارضيك في الدنيا».
الشاب يحلم بالحج رفقة والدته
الشاب تطرق في الحديث أيضًا عن بعض أمنياته: «كان نفسك أطلع أنا معاكي الحج، وكنت بقولك هنروح مع بعض بعد تلت سنين ولا أربعة، أنا طفل فاقد أمه في السوق ومش عارف يرجع بيته، كل حاجه بقت غريبة يا أمي بعدك ولا عاد للدنيا أي لازمة في غيابك، رحمك الله وأسكنك فسيح جناته يام قلب طيب ياحنينة، ربنا عوضك يا أمي علي تعبك وصبرك معانا، الله يرحمك يارب، الرجاء الدعاء لها بالرحمة والمغفرة».
