السيسي: «ميناء السخنة هيتكلف 30 مليار ولو استنينا المطورين كان هيخلص في 2030»
السيسي: «ميناء السخنة هيتكلف 30 مليار ولو استنينا المطورين كان هيخلص في 2030»
- السيسي
- ميناء الإسكندرية
- تطوير ميناء الإسكندرية
- ميناء السخنة
- السيسي
- ميناء الإسكندرية
- تطوير ميناء الإسكندرية
- ميناء السخنة
قال الرئيس عبدالفتاح السيسي، خلال احتفالية تطوير ميناء الإسكندرية البحري: «الميناء بتاع السخنة لو استمرينا على إننا ندور على مطورين، كنا ممكن نخلصه في 2030، ولو حد يقدر يشتغل ويخلصه في سنة يتفضل، والدولة المصرية الآن لها مسار مختلف عما كان، والهدف هو امتلاك قدرة حقيقية ومقومات اقتصاد حقيقية وتستفيد من موقعها، وقولنا نعمل مجموعة موانئ على البحر الأحمر ومجموعة موانئ على البحر المتوسط، ثم شبكة طرق».
وأضاف السيسي: «في طريق بيتعمل غرب الميناء، وهو محور التعمير، علشان نعمل كل حاجة وتمهد للمستثمر، وكل اللي بنقول عليه بنفذه وزيادة، وميناء زي ميناء السخنة هيتكلف حوالي 30 مليار جنيه، واللي شغاله فيه شركات مصرية كلها، والتكريك المصريين اللي بيعملوه، بتخرج الفلوس من جيب المصريين تدخل في جيبهم في حتة تانية، ثم تديني كيان على البحر الأحمر بالمستوى ده، اللي في تقديري ممكن نكون اتأخرنا على ما نوصله».
مشروعات التطوير في ميناء العين السخنة
الفريق مهندس كامل الوزير، وزير النقل، سبق وتفقد ميناء العين السخنة، مطلع اغسطس الماضي، لمتابعة أعمال التطوير، والتي تشمل إنشاء 4 أحواض وأرصفة جديدة بطول 12 كيلومترا وعمق 18 مترا، وساحات تداول بمساحة «5.6 مليون متر مربع» ومناطق تجارية ولوجستية بمساحة «5.3 كم2» تخدمها شبكة من خطوط السكك الحديدية بطول «10 كم» متصلة بالقطار الكهربائي السريع السخنة/ مرسى مطروح، لتستخدم في نقل البضائع، لكل أنحاء الجمهورية وإلى ميناء الإسكندرية على البحر المتوسط، بالإضافة إلى الطريق الشرياني بطول 14 كم تقريباً ليربط بين الأرصفة والميناء ككل، بما يساهم في عدم وجود أي تكدسات مستقبلاً داخل الميناء، وتوفير شبكات نقل متعدد الوسائط، وخاصة مع مواكبة المخطط العام للطرق والسكك الحديدية بالميناء للتوسعات المستقبلية الجاري تنفيذها.
نسب تنفيذ مشروعات التطوير بميناء العين السخنة
الوزير اطلع خلال جولته على معدل حفر الأحواض، ووصلت نسبة تنفيذ أعمال الحفر وقتها 55% بإجمالي 20 مليون متر مكعب، كما تابع الوزير أعمال تنفيذ حاجز أمواج بطول 1024 مترا وحاجزا بيئيا بطول 1200 متر لحماية المنشآت المجاورة وتنفيذ أعمال الردم في البحر واكتساب مساحات أرضية جديدة بمساحة مليون متر مربع.
