السائق الأمين يرد 280 ألف جنيه لصاحبها..«مادخّلش بيتي حرام»

يستيقظ في الصباح الباكر، يخرج من منزله بقرية «برنبال»، التابعة لمركز مطوبس في محافظة كفر الشيخ، ليقود سيارة ميكروباص تحمل الركاب من القرية إلى المدينة، بحثًا عن لقمة عيشه، وفي نهاية اليوم يقصد صاحب السيارة حاملاً ما تحصّل عليه من أموال ليحصل على أجره.

وعلى الرغم من حياته المادية والأسرية الصعبة، إلا أنه أعاد مبلغ 280 ألف جنيه لرجل تركه سهواً داخل سيارته، ليتفاجأ بقصته تُتداول على موقع التواصل الاجتماعي« فيس بوك»، بشكل كبير.

وائل عزب، شاب لم يتخط عمره 32 عاماً، مقيم بقرية برنبال في مطوبس، هو السائق الأمين الذي أعاد 280 ألف جنيه لصاحبهم رافضًا الحصول على مكافأة: «كنت محمل دوري عادي، وبعد ما نزّلت الركاب ببص في الكراسي زي ما متعود لقيت ظرف كبير وفيه فلوس كتير، مافتحتوش، فضلت واقف بدوّر وافتكرت إن كان فيه راجل راكب معايا كان معاه شنطة وظرف كبير، وفضلت أدور عليه لحد ما لقيت الراجل جاي يجري قلت له ماتقلقش فلوسك موجودة في الحفظ والصون، الراجل بكى وشرح لي قصة الفلوس، إنها تمن آخر قطعة أرض باعها علشان يجوّز بنته وابنه، وإن الفلوس دي لو ضاعت يبقى حياتهم انتهت».

وعلى الرغم من ظروف السائق الصعبة إلا أنه رفض الحصول على مكافأة: «أنا عايش بالإيجار ومتزوج، لكن الحمد لله عايش بالحلال ومادخّلش بيتي حرام رغم ظروفي الصعبة، وربنا أكرمني بحسن التربية، وعرفت من الراجل إنه باع أرض بـ280 ألف جنيه علشان يجوّز بنته ويجهز شقة ابنه، وكان بيجيب ورق من البنك الزراعي بمطوبس، لكن من الزحمة راح قرية برنبال، وطبعًا هو من المدينة لكن ذهب للقرية اختصارًا للوقت، ونسي الفلوس مكانه على الكرسي، وماكتشفش إنها ضاعت غير في البنك، خرج جري يدوّر مش عارف واقعه فين، لحد ما شفته وقلت له ماتقلقش خد فلوسك دي يا عم الحاج».

فرحة كبيرة ممزوجة بالبكاء من الرجل الذي حصل على أمواله بعد ضياعها، دفعته لعرض مكافأة على السائق وائل عزب، لكنه رفض: «الراجل عيّط وعرض عليا مكأفاة لكن أنا رفضت، فلوس ماتعبتش فيها ماينفعش أدخّلها بيتي، أنا راجل شغال سواق على دراعي، وبتمنى الستر من ربنا».

• سائق سيارة
• السائق الأمين
• سائق يرد 280 ألف جنيه
• ﻣﻂﻮﺑﺲ
• خط برنبال - مطوبس
• كفر الشيخ
• سائق سيارة
• السائق الأمين
• سائق يرد 280 ألف جنيه
• ﻣﻂﻮﺑﺲ
• خط برنبال - مطوبس
• كفر الشيخ