في ذكرى رحيله.. «سنة للحب» أمنية لم تتحقق لـ سامي العدل قبل وفاته
في ذكرى رحيله.. «سنة للحب» أمنية لم تتحقق لـ سامي العدل قبل وفاته
6 سنوات مرت على رحيل الفنان الكبير سامي العدل حيث إنه توفي يوم 10 يوليو 2015.
تاريخ طويل من العطاء والفن الذي طالما قدمه لجمهوره حتى بعد رحيله ظلت أعماله تتحدث عنه ولكنه أيضا على المستوى الإنساني كان فنانا مليئا بالحب والانسانية.
أمنية لـ سامي العدل
ومن كثرة عطائه وحبه للناس تمنى الفنان سامي العدل لو أنه أصبح هناك عام كامل للحب فقط، وكشف عن هذا الأمر من خلال لقاء تليفزيوني سابق في إحدى القنوات الفضائية.
وقال الفنان سامي العدل «كنت بطلع في كل برنامج أقول نفسي زى مبنعمل سنة للطفولة وسنوات لحاجات كتيرة نعمل سنة للحب وفي السنة دي هنقول للسواق بتاع الأتوبيس اللى بيشتم دا مثلا متشتمش السنة دي علشان إحنا في سنة الحب».
وتابع الفنان سامي العدل قائلا «متجيبيش سيرة زميلتك دي مثلا لأننا في سنة الحب بتمني نعمل كده، لو طلعنا بنسبة 20 في المية من الناس تبطل تشتم أو تبطل تغتاب وتجيب سيرة الناس من وراها دا شيء عظيم».
وأضاف الفنان سامي العدل «كل حد يقولي على اقتراح سنة الحب ده إيدي معاك وزى ميكون أول مبمشي يقولوا حب إيه ونيلة إيه بتمناها لولادنا».
وأكد الفنان سامي العدل أنه أصبح هناك كلمات غريبة ومصطلحات منتشرة غير طبيعية قائلا «إيه اللغة دي إيه اللى هيحصل بكره أنا حاسس إن الجو مسمم وإننا مجبرين عليه».
وأضاف العدل «ليه منقولش مثلا سنة الحب 2018 ونبتدي نمهد لها من دلوقتى ما تيجوا نحب بعض، نفسي بس قبل ممشي أبقى سبت لولادي وليكو وللناس أي حاجة كويسة».
