الشعراوي يقدم نصائح ذهبية عن المذاكرة وثبات المعلومة من أول مرة
الإمام الراحل تناول استخدم خاصية «الاستصحاب» في المذاكرة
إمام الدعاة الشيخ محمد متولي الشعراوي
دقائق معدودة وينطلق مارثون امتحانات الثانوية العامة لعام 2021، حيث يستعد طلاب الثانوية لأداء امتحان مادة اللغة العربية وذلك في أول امتحانات «أوبن بوك» في تاريخ الثانوية العامة.
إمام الدعاة الشيخ محمد متولى الشعراوي، وجه بعض النصائح لطلاب الثانوية العامة والتي نرصدها لكم كما يلي:
استخدم الاستصحاب في المذاكرة
ونصح «الشعراوي»، الطلاب باستخدام طريقة في علم النفس اسمها «الاستصحاب» والتي شرحها بالتفصيل قائلًا: «التلميذ الذكي اللي عايز يذاكر بجد يعمل عملية اسمها في علم النفس الاستصحاب، ودي تعملها وأنت بتذاكر، امسك صفحة أو ذاكر الباب وبعدين استصحب أنك هتسأل نفسك عن اللي قريته في الباب ده إيه وبعد ما تخلص الصفحة اقفل الكتاب واسأل نفسك ماهي المعلومات الجديدة التي لم أكن أعلمها ثم علمتها ما هي الألفاظ التي طرأت عليا ومكنتش أعرفها وايه الأفكار اللي اتصححت عندي».
نصيحة لثبات المعلومة من أول مرة
ووجه «الشعراوي» نصيحة أخرى للمذاكرة قائلًا: «العقل يستقبل المعلومات مرة واحدة وإياك أن تظن أن فيه عقل يستقبل المعلومة من مرتين وتلاتة وأربعة لأن العقل زي الفوتوغرافيا يستقبل المعلومة مرة واحدة ولكن المهم أن يكون وقت استقبال المعلومة خاليًا من غيرها، وأن كان فيه غيرها ما جعل الله لرجل من قلبين في جوفه ولو عايز المسألة تلتقطها مرة واحدة أخلي ذهنك من غيرها».
وأضاف: «وأنت بتذاكر أوعى ييجي في بالك هتتغدى إيه النهاردة وهتروح فين بعد ما تخلص وهتلبس إيه، فلو شغلت نفسك بحاجة وأنت بتذاكر الحتة اللي أنت شغلت نفسك فيها بمعلومة جديدة ضاعت تقوم تضطر تعيد تاني عشان تصادف كل جزئية بؤرة شعور خالية».