ماذا حدث لـ«كرم» بعد تناول 3 أرغفة حواوشي بـ5 جنيهات؟ :«قالوا له هتهوهو»
ماذا حدث لـ«كرم» بعد تناول 3 أرغفة حواوشي بـ5 جنيهات؟ :«قالوا له هتهوهو»
كلما غلبه الجوع ذهب إلى محل الجزارة المفضل بمنطقة إمبابة، ويشتري 3 أرغفة عيش بلدي «حواوشي» بسعر رخيص وهو 5 جنيهات فقط، وهو ما عرضه السخرية من أصدقائه والمحيطيين به «ضحكوا عليك ده أنت أكيد بتاكل لحم (هو هو) روح اطمن على معدتك».
كرم محمد من سكان منطقة إمبابة، واعتاد على تناول وجبة الحواوشي من مكانه المفضل، وذلك بسبب سعره الرخيص: «أنا على طول باكل من عنده وعمري ما ركزت بطني وجعتني ولا لأ، بس مشتكيتش قبل كده إني تعبان وباكل وعادي وبروح اشتري تآني»، بحسب «كرم».
يقول «كرم» إن مذاق رغيف الحواوشي شهي وكذلك رائحته طيبة، ولكن حجمه صغير: «على طول صاحب المحل بيعمل العرض ده وأنا بروح اشتري وبعزم صحابي كمان وبدل ما أكل لوحدي بناكل إحنا التلاتة ومتعبناش قبل كده.. هو بس اللحمة فيه قليلة شوية بس شغال وبناكله».
شارك الشاب العشريني تناول تجربة الحواوشي بسعر رخيص على السوشيال ميديا «فيسبوك»، ووضع صورة لـ 3 أرغفة وكتب سعرها: «أول ما نزلت الصورة إلى الفيسبوك لاقيتهم عملوا عليا حفلة وقالوا إيه إللي بتاكلوا ده دي أكيد لحمة هوهو واستلموني تريقة».
وابل من السخرية تعرض له «كرم»، بسبب سعر الحواوشي الرخيص، ومن هذه التعليقات: «إنت بتاكل أي حاجة من أي حد كده لازم يكون مضمون»، «دي لحمة إيه دي الرخيص كده مش معقول»، « قوم يا إبني اطمن على معدتك زمانك تعبت وإنت مش وأخد بالك خالص روح اكشف بسرعة».
ورغم موحة السخرية والمضايقات التي هاجمته لكنه لم يشعر بالضيق: «مزعلش ويمكن هما عندهم حق ومش أي حاجة أكلها ولا اشتريها من أي مكان واتأكد الأول منها قبل ما تنزل باطني عشان متتعبنيش».
