إعلامي لعمر كمال: «لو اديتك 10 ملايين دولار تبطل؟».. ويرد: «هعملهم من الفن»
إعلامي لعمر كمال: «لو اديتك 10 ملايين دولار تبطل؟».. ويرد: «هعملهم من الفن»
عرض برنامج إعلامي لعمر كمال: «لو اديتك 10 ملايين دولار تبطل؟!».. ويرد: «هعملهم من الفن»، الذي يعرض عبر شاشة «القاهرة والناس»، تصريحات عدد من المشاهير حول أهمية المال بالنسبة إليهم، حيث قال عمر كمال مطرب المهرجانات الشعبية: «والله العظيم أنا العشرة والخمسة جنيه كانوا مبلغ بالنسبة لي».
وسأله مقدم البرنامج الإعلامي أحمد سالم عن المبلغ الذي من الممكن أن يحصل عليه لكي يعتزل الفن، أوضح كمال: «المشكلة إن الفن فيه شهوة كبيرة جدا، وبعد اللي دقته استحالة يبقى معايا الدنيا كلها وأمشي في الشارع وميبقاش حد يعرفني، إحساس وحش».
وسأله أحمد سالم مرة أخرى «لو اديتك 10 ملايين دولار تبطل فن؟!»، ورد عليه عمر كمال: «هعملهم من الفن».
«الفلوس بتشتري كل حاجة؟!».. سماح أنور: هعيط في عربية حلوة
وقالت الفنانة سماح أنور: «الفلوس بتشتري كل حاجة بتسعدنا، والسعادة هي حسن الحال، بموت فيها، هي أهم حاجة في حياتنا وحياة أي حد، ولو على إنها بتشتري السعادة أم لا، فهي بتخلينا نعيط جوة عربية حلوة»، وأضافت رانيا فريد شوقي: «النفوس النضيفة مفيش فلوس تشتريها ولا تغيرها، والفلوس بالنسبة لي أستمتع بيها وأساعد اللي أقدر عليه، لأنها مش بتاعتي، ومليش فيها وربنا اللي بيرزق».
وأوضح الفنان القدير صلاح عبدالله: «عندنا حاجات حلوة ولطيفة بنهون بيها على نفسنا، وكله مقدر ومكتوب، زي الصحة، لكن الفلوس منقدرش نشتري بيها الصحة، واللي بيقول إن بفلوسك تتعالج في مستشفى بره، ممكن نقول إن اللي سافروا بره عشان يتعالجوا ماتوا، وده ميلغيش أهمية الفلوس، لكن لازم الإنسان يبقى منتبه إن الفلوس مش هتشتري له السعادة».
