عمر كمال يستنكر انتقاد شخص لجمهوره: يمكن عند ربنا أحسن منك
عمر كمال يستنكر انتقاد شخص لجمهوره: يمكن عند ربنا أحسن منك
استنكر مغني المهرجانات عمر كمال، تعليق أحد المواطنين على صورة لعمر كمال، التقطها سلفي مع عدد كبير من جمهوره من الفتيات في أحدى حفلاته الشاطئية، حيث كان التعليق «آمل ألا تكون زوجتي منهن، وأتمنى من الله أن يعينني ألا تكون بناتي مثلهن، اللهم أعنا على تربية أنفسنا وذوينا».
فيما علق «كمال»، على صفحته الشخصية بموقع التواصل الاجتماعي «فيس بوك»: «شباب متعلم بيحتفلوا بتخرجهم من الكلية فرحانين ومابيعملوش أي حاجة غلط غير أنهم بيفرحوا سوا، يطلع واحد يطلع فيهم القطط الفطسانة ليه مش فاهم، ويرميهم بالباطل إنهم مش كويسين وفاسدين وممكن واحد فيهم عند ربنا يبقى أفضل منك 100 مرة!».
ورغم أن مغني المهرجانات، نشر ذلك على صفحته الشخصية، إلا أنه تلقى هجومًا كبيرًا من قبل متابعيه، بسبب الزحام المتواجد في الصورة، «هو أنت يا ابني متعرفش إن فيه وباء اسمه كورونا مبهدل الناس أنت هاتشيل ذنبهم ده منظر يرضي ربنا ولا أهم شيء تركب x6».
فيما علق آخر بشكل كوميدي على الصورة: «هو عنده حق طبعا مينفعش يبقى دول أمهات وجيل المستقبل أنا لو شوفت واحدة منهم مش هقولها غير جملة واحدة بس، أنت بسكوتاية مقرمشة»، فيما علق آخر: «هو حر يختار زوجته وبناته بالطريقة اللي تناسب تربيته وأخلاقه وأنت حر ترقصهم وراك وتغني ليهم كل واحد يختار الجنة والنار زي ماهو عاوز».
وأردف آخر: «أنت دخلت في مرحلة صعبة يا عمر حتى النفس اللوامة اللي بتلومك على الغلط راحت منك وبقيت تدافع عن الباطل، والغلط اللي ميختلفش عليه الشياطين حتى»، فيما قال آخر: «بطل كل شوية تعيش دور الضحية وتعلق على كلام الناس عليك، الناس بتقول عليك زي ما بتقول على أي حد شغال شغلانتك، وكلهم ساكتين وشايفين شغلهم وخلاص، لو حاسس إنك غلطان توب وبطل الشغلانة.. غير كده بطل جو استعطاف الناس ده».
