كريم العمري يزور أطفال مستشفى الناس: «ربنا يشفيكم يا حبايبي» «فيديو»
كريم العمري يزور أطفال مستشفى الناس: «ربنا يشفيكم يا حبايبي» «فيديو»
تقدمت مستشفى «الناس» بالشكر للفنان كريم العمري، الذي زار المستشفى، وتعرف على الطاقم الطبي وجميع أقسام المستشفى، وأخذ جولة بها وداعب الأطفال الصغار.
قالت مستشفى الناس في بيان شكرها للفنان كريم العمري: «سعداء جدًا بزيارة الفنان كريم العمري لمستشفى الناس وتعرفه على الطاقم الطبي وجميع أقسام المستشفى».
كريم العمري يشيد بنظام مستشفى الناس
بينما قال الفنان كريم العمري عن هذه التجربة، «في بداية الزيارة كنت فاكر إني هآجي أعمل عمل خير في مستشفى كويسة ومستشفى اسمها معروف، ولكن من وقت ماجيت الزيارة وأنا متفاجئ بكل حاجة شوفتها هنا، أد ايه في نظام وتركيز واحترافية والناس كلها فاهمة كل واحد دوره ايه وبيعمل ايه وأمتى، وكل ده من خلال جو من الحب، مش بيعمل كدا علشان دي شغله وبس دول بيعملو كدا بحب».
العمري: أطفال مثل الملائكة
وأضاف كريم العمري: «أنا هنا شفت أطفال مثل الملائكة، اللي ربنا شفاهم ورجعتلهم الحياة من تاني وشوفت فرحة أهاليهم بيهم، وأد ايه كنت مستريح نفسيا وفرحان لما شفت الأطفال دول رجعوا للحياة تاني ووشهم منور بالابتسامة وربنا يحفظهم لبلدهم ولأهاليهم يارب دايما».
لازم نتبرع لمستشفى الناس
ودعا كريم العمري المواطنين للتبرع للمستشفى: «المجهود اللي بيتم هنا محدش يعرف عنه حاجة، وأنا لما شفت اتشجعت وبشجعكم إننا لازم نتبرع لمستشفى الناس للناس على 16441، اللي بتساعد كل الأطفال من غير لا وسائط أو أي تدخلات من أي حد.. بيعاملوا الكل سواسية».
واختتم كريم العمري حديثه متمنيا الشفاء للأطفال ممن يتلقون العلاج بالمستشفى: «بتمنى الشفاء لكل الأطفال حبايبي اللي أنا شوفتهم النهاردة ويارب مايورينا أي حاجة وحشة في أي حد فيكو».
كريم العمري جسد دور ضابط صاعقة في مسلسل «الاختيار»
ظهر الفنان كريم العمري في الحلقات الأولى لمسلسل «الاختيار»، الذي عرض خلال شهر رمضان الماضي، مجسدًا دور ضابط صاعقة في القوات المسلحة المصرية، ونجح في الدور الذي لعبه بفضل لياقته البدنية والكاريزما التي تمتّع بها، خصوصا أنه كان ضابط طيار بالقوات المسلحة قبل تركه للخدمة لظروف صحية، واتجه بعدها لتنمية موهبته في مجال التمثيل.
وشارك الفنان كريم العمري في فيلم «الممر»، ومسلسلات «الزوجة 18»، و«نصيبي وقسمتك 2، و3»، و«لدينا أقوال أخرى»، و«حكايات بنات»، وغيرها من الأعمال الفنية.
