السيسي يطالب وزير الداخلية بتطبيق الذكاء الاصطناعي في منظومة البيانات: «مش عاوز مجال للتزوير»
السيسي يطالب وزير الداخلية بتطبيق الذكاء الاصطناعي في منظومة البيانات: «مش عاوز مجال للتزوير»
قال الرئيس عبد الفتاح السيسي، إنّ المواطن يجب أن يكون متأكدا أنّ البيانات التي سيحصل عليها بها مصداقية كبيرة جدا، فأجابه اللواء محمود توفيق وزير الداخلية، قائلا: «الوثيقة اللي هتطلع ويتم طباعتها هتكون مؤمنة ومتراجعة ومتأكد من كل البيانات اللي فيها، بحيث تكون بيانات حقيقية ومربوطة مع مجمع إصدار البيانات والوثائق المؤمنة والذكية».
ورد السيسي، خلال تفقده مجمع إصدار البيانات الوثائق المؤمنة والذكية بالعاصمة الإدارية الجديدة: «هقول مثال، يعني لو أنا دخلت قولت أنا فلاني الفلاني وأديته تاريخ ميلادي من غير ما أقصد غلط، أو رقم قومي، لازم يكون عندي ذكاء اصطناعي يقولي الولد اللي اسمه ظاهر أدامي مولود في المحافظة كذا، ومن الأسرة الفلانية، ودخل المدرسة في التوقيت الفلاني».
وتابع الرئيس: «تقولي نجح في المرحلة الابتدائية إمتى، وميعاد ظهور نتيجته، ودخل الإعدادية إمتى وميعاد ظهور نتيجته، مهما كانت تكلفته هنعمله، مش عاوز مجال للاختراق أو التزوير، اللي انت عاوزه أنا جاهز».
وأضاف الرئيس السيسي، موجّهًا حديثه للقائم على المجمع: «أنا هحترم البيانات اللي جاية من الوزارات، عشان متتحملش مسؤولية، المهم تكون متوثقة ومؤمنة بشكل كامل».
