شقيق متوفي عقار جسر السويس: أخويا كان هيعزل من العمارة بسبب المصنع
شقيق متوفي عقار جسر السويس: أخويا كان هيعزل من العمارة بسبب المصنع
قال وليد حلمي، عم الطفل الناجي في حادث انهيار عقار جسر السويس، إنه فوجئ بتلقيه اتصالا يخبره بانهيار العقار الذي يسكن فيه شقيقه، واستنجدوا به، مما دفعه للنزول لمحاولة إيجاد جثث أسرة شقيقه، حيث عثروا على الطفل الوحيد الناجي من الأسرة لأن أمه كانت تحتضنه.
وأضاف «حلمي»، الأحد، خلال مداخلة هاتفية في برنامج «كلمة أخيرة» المذاع على فضائية «on» وتقدمه الإعلامية لميس الحديدي، أن شقيقه كان له 4 أبناء، بنتين وولدين، توفوا جميعا، ولم يبق سوى الطفل الأخير، متابعا: «أخويا كان بيتحايل عليا أبات معاه قولتله معلش ابني بيذاكر، هجيلك بكره، اللي حصل بقى، سبحان الله».
وأشار إلى أن الطفل الصغير بخير ولكنهم سيقومون بعمل أشعة عليه من أجل التأكد من عدم إصابته، لافتا إلى أن الطفل سيعيش من عمه، خاصة أن زوجة عمه كانت تتمنى إنجاب ولد.
وتابع: «أخويا عمرو كان الراجل بتاع العيلة، وسكن في العمارة من 5 سنين، وكان بيعزل منها، قالي العمارة مشاكل كتيرة وزهقت منها، وأنا كنت كل يومين أروح أبات عنده عشان مراتي متوفية، كان بيعمل فيها مشاكل وفيه مصنع تحتها، قالي هنمشي من العمارة دي بس ملحقش، وأسرة مرات أخويا فكرت تاخد الولد بس والداتي قالتلها إحنا هنربيه بطريقتنا، وأخويا الصغير وائل قال إحنا هناخده ومش مانعين حد يجي يزوره، عشان نربيه زي ولادنا، إحنا لاقينا الطفل في مستشفى السلام وأخويا الصغير وائل خده، وهو بيتكلم معانا عادي وعارفنا، وأخويا كان في وضع التشاهد، إحنا فرحنا إننا لقيناه».
