بريد الوطن.. سلام
بريد الوطن.. سلام
سلام لكل إيد شغالة
شقيانة
بتكسب رزقها بعرق
الجبين
صاحية من فجرها
قاصدة باب كريم
فتاح رزاق يا عليم
هيلا وهيلا
يلّا يا رجالة
الصبر آخره جميل
ارمى الشبك
خد بالسبب
يا حلاوة الإيدين
المغروسة فى الطين
إيدين متشققة
وكل شق طريقه
طويل
لابس عفريتة
قدام ماكنته
بيطلع خير
واللى واقف بيحمى
واللى بيبنى
واللى بيعطى بفكره
خبرة السنين
سلام لكل إيد شغالة
بتاكل لقمتها من عرق
الجبين
عصام أبوالدهب
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
