«2 بس علشان ياخدوا حقهم».. ألفت عمر: كان نفسي أخلف 5 بس اكتفيت بطفل
![ألفت عمر](https://watanimg.elwatannews.com/image_archive/840x473/5362211911614881984.jpg)
ألفت عمر
أبدت الفنانة ألفت عمر، دعمها الكامل، للحملة التي أطلقتها جريدة «الوطن»، بشأن مواجهة الزيادة السكانية، تحت شعار «2 بس علشان ياخدوا حقهم»، كونها من أخطر الأزمات التي تُهدد خطط التنمية المستقبلية.
وقالت ألفت عمر، في فيديو خاص: «على فكرة أنا واحداة منكم، وكنت بفكر زيكم.. وكنت عايزة أخلف خمسة.. آه متستغربوش.. كنت آه عايزة أخلف خمسة.. بس لما جيت أخلف.. خلفت واحدة بس.. عارفين ليه؟.. لأن مع أول واحد، لاقيت نفسي تعبانة من حمل ورضاعة وتربية وأكل وشرب.. سيبكم من كل ده.. أهم حاجة التربية».
وتابعت: «عشان أطلع طفل متوازن نفسيًا، ميبقاش عنده مشكلات نفسية، ولا معقد ولا حاجة، أعرف أكله وأشربه وألبسه وأعالجه، أهم حاجة يلاقي كل الحاجات دي صح.. فأنتوا براحة على نفسكم.. أحسن حاجة نخلف 2.. اتنين وبس.. عشان نعرف نلبسهم ونأكلهم ونشربهم وندخلهم مدارس كويسة أوي ونصرف عليهم صح.. أنا بدعم حملة 2 وبس.. عشان ياخدوا حقهم».