وزير قطاع الأعمال: نعطي العامل نسبة الأرباح «قبل ما المساهم يأخذ مليم»
وزير قطاع الأعمال: نعطي العامل نسبة الأرباح «قبل ما المساهم يأخذ مليم»
قال الدكتور هشام توفيق، وزير قطاع الأعمال العام، إن قانون قطاع الأعمال الجديد، أعطى للعاملين نسبة من الأرباح بعد خصم الاحتياطات مباشرة، أي قبل توزيع مليمًا واحدًا على المساهمين، «أول حد بياخد الفلوس والأرباح هم العاملين، ياخدوا من 10 لـ12%، من الأرباح بعد أخذ الاحتياطات فقط»، موضحًا أنهم كانوا يأخذون الأرباح في القانون القديم، لكن بعدما يأخذ المساهم حصة من الأرباح.
وأضاف «توفيق»، خلال حواره في برنامج «رؤية»، على شاشة «الحدث اليوم»، أنه في القانون القديم كان هناك حد أقصى للأرباح وهو 12 شهرًا من الأجور الأساسية، «لو نسبة الـ10% دي في القانون القديم تساوي مثلا 10 ملايين جنيه، وتمثل 30 شهر، متقدرش تاخد الـ10 ملايين جنيه، تاخد فقط في حدود 12 شهر فقط»، لكن تم تعديل تلك النقطة في القانون الجديد، «إن شالله يكونوا 80 شهر، العمال تأخد الـ10%».
وأشار وزير قطاع الأعمال العام، إلى أنه طالما العامل أو الموظف ساهم في تحقيق تلك الأرباح، «يبقى حقه أنه ياخد النسبة بتاعته، انت حضرتك كمساهم ليك الحق أنك توزع أو مش توزع الأرباح من قبل المساهم، فيه شركات بتكسب ومش بتوزع أرباح زيادة عشان مثلا عندها التزامات أو عندها خطط للتوسعات، فالشركات تحتجز الأرباح عشان تمول التوسعات بتاعته، قولنا لا، العامل ملهوش دعوة بالكلام ده».
