أحمد يونس: «رغم القضايا نجوم FM من صنعتني»
أحمد يونس: «رغم القضايا نجوم FM من صنعتني»
قال الإعلامي أحمد يونس، مذيع برنامج «صباحك مطرحك»، على محطة «9090» الإذاعية، إن لديه تاريخ طويل مع قناة «نجوم FM»، ففيها تعلم كيف يكون مذيع راديو كما ينبغي، مشيرًا إلى أنه رغم الخلافات التي بينه وبين القناة والتي وصلت إلى المحاكم فإنه لا ينكر ذلك في أي مكان.
أحمد يونس يتحدث عن خلافه مع «نجوم FM»
وأضاف «يونس» في ندوة «الوطن»: «أنا اتسحلت في المكان ده، وعرفت يعنى إيه أكون مذيع راديو، وماخرجتش من المكان ده اللى لسه بحس إنه بيتي غير لما حصل خلاف شهير بيننا، وفجأة اتحول من خلاف عادي لخلاف وصل لقضايا ومحاكم».
وأضاف «يونس» أن الخلاف مع «نجوم FM» أصابه بحزن شديد، ولم يكن يحب أن تكون النهاية بينهما بهذا الشكل: «مازلت بحبهم جدًا، وبيني وبينهم تاريخ طويل، أنا اديت عمري كله للمكان ده واشتغلت فيه بمنتهى الحب والإخلاص، لكن استغربت جدا إن الخلاف بينا وصل لقضايا ومحضرين جولى البيت، ومكنتش أحب إن النهاية توصل لكده».
وحكى عن تفاصيل الخلاف مع «نجوم FM»، بقوله: «إحنا اختلفنا عشان أنا فتحت كافيه مش علشان ارتكبت خطأ مهني أو حاجة حصلت في صميم شغلي، هما شافوا إنى لما افتح مشروع خاص بيا يبقى بستغل اسمي واسم البرنامج، والحقيقة أنا ماستغلتش اسم البرنامج، لكن من حقي أستغل اسمي».
وأكد «يونس» أن الخلاف زاده تدخل آخرين قاموا بنقل الكلام بينهما بشكل خاطئ: «لما دخل بينا العند مبقاش فيه تفاوض، أنا من أول قعدة قدمت استقالتي لكن للاسف الموضوع راح للقضاء ومن 2015 لغاية دلوقتي والقضية شغالة».
