«بط بالبرتقال وكسكسي بالفراخ» وجبات مجانية للبسطاء: خليهم يدفوا
«بط بالبرتقال وكسكسي بالفراخ» وجبات مجانية للبسطاء: خليهم يدفوا
- وجبات
- وجبات مجانية
- بط
- بط بالرتقال
- الفقراء
- الأسر الفقيرة
- توزيع وجبات بط بالرتقال على الفقراء
- وجبات
- وجبات مجانية
- بط
- بط بالرتقال
- الفقراء
- الأسر الفقيرة
- توزيع وجبات بط بالرتقال على الفقراء
«بط بالبرتقال وكسكسي بالفراخ وصوص الطماطم»، وجبات مجانية توزع على الأسر الأكثر احتياجا والأيتام، داخل منطقة الهانوفيل في العجمي التابعة إلى محافظة الإسكندرية، أصرت جيهان جمال مسؤول أحد المطابخ الخيرية، على أن تجهزها بنفسها.
وزعت «جيهان» 50 وجبة «بط» و«كسكسي بالفراخ» على الأسرة الأكثر احتياجا، وذلك بعد عمل حصر للأسر المستحقة للدعم: «في أسر فقيرة مش بتشوف البط ده نهائي ولا تعرف طعمه ومن حقها أنها تاكل وعشان كده قررت أنا وباقي المتطوعين أننا نعمل وجبات إحنا بنقدر ناكلها في بيتنا واختارنا نعملها بطريقة حديثة وشيك وكانت بالبرتقال عشان يتذوقوا طعم مختلف عليهم».
وجبات مختلفة لم يعتد عليها البسطاء الأمر الذي أدخل السعادة على قلوبهم، «الناس دييه زهقوا من الرز والفراخ اللي باقي الجميعات الخيرية بتوزعها عليهم وحبينا نكون مختلفين، ولمسنا ده منهم وإحنا بنوزع عليهم الوجبات عينيهم كانت بتتنط من الفرحة».
سعادة كبيرة شعر بها هؤلاء الأسر أثناء توزيع الوجبات عليهم: «دي كانت أهم حاجة بالنسبة لنا أننا نفرحهم»، وبعد أن وجدت هذه الفرحة وعدتهم «جيهان»، أن تقوم بتوزيع هذه الوجبات بشكل دوري: «مش بس البط إحنا هنحاول نعمل منيو تاني ويكون مختلف ويحسوا أننا بنهتم بهم مش مجرد توزيع وجبات».
يتم إعداد هذه الوجبات داخل مطبخ خيري تابع لها، بعد تعقيمها وتنظيفها بشكلٍ جيدٍ حتى لا يتنشر أي عدوى باكتيريا بين هذه الأسر: «كل اللي بيعملوا الأكل بيكونوا لابسين كمامة طبية وواخدين بالهم من نفسهم ونضافتهم كويسة عشان ميبقاش في فرصة لنشر فيروس كورونا بينا ونعمل الخير بتاعنا من غير ما حد يتعب مننا».
