السيسي من الكلية الحربية: حماية مصر مهمة مقدسة ومن يتصدى لها إنسان شريف
السيسي من الكلية الحربية: حماية مصر مهمة مقدسة ومن يتصدى لها إنسان شريف
قال الرئيس عبدالفتاح السيسي، على هامش زيارته اليوم للكلية الحربية، ولقاء طلابها، «أنتم الجيل الجديد المسؤول عن أمن واستقرار مصر خلال السنين المقبلة، وهذا أمر مهم وخطير، ويُقدم له الغالي والنفيس، والروح والنفس، من أجل الحفاظ على مقدرات شعب، ودولة بها 100 مليون إنسان».
وأضاف السيسي، في كلمة له أثناء زيارته إلى مقر الكلية الحربية، الخميس، «حبيت أبلغكم تحياتي وتحيات كل المصريين على الجهد اللي بتعملوه.. والنهاردة فيه زيارة من الأسر ليكم، وإن شاء الله يبقى يوم جميل.. أنا سعيد جدا بالجهد اللي وصلتوا ليه.. لكن لسة فيه قدامنا كتير.. وعايزين نكمل فيها، ونحسن من قدراتنا ومستوياتنا، وفترة إعادة ترتيب فهمنا وقدراتنا من المنظور المدني إلى العسكري تكلل بالنجاح».
وتابع الرئيس: «مهمة حماية مصر، مهمة مقدسة، ومن يتصدى لها أكيد إنسان شريف وعظيم ومخلص، وشريف عشان يحمي بلده وناسه.. ودي لسه أول خطوة لكم في هذا الطريق الصعب».
وخلال كلمته للطلاب، بمقر الكلية الحربية، أوصى الرئيس عبد الفتاح السيسي، طلاب الكلية العسكرية بالالتزام بالإجراءات الاحترازية، خلال تواجدهم في الكلية، أو زيارة أهاليهم لهم.
وقال السيسي، «مش هوصيكم على الإجراءات اللي بنعملها، سواء في لقائكم مع أهاليكم، عشان موضوع الجائحة وإنه ميكونش ليها تأثير».
وتابع الرئيس: «أنتوا عارفين إن الكلية مكان مغلق ولازم يبقى دايما نسبة الإصابة صفر إن شاء الله».
وأكد: «أنا سعيد بكم وبالمستوى اللي وصلتوا ليه، وإن شاء الله الفترة القادمة تحققوا أكتر وأكتر.. ربنا إن شاء الله يحفظكم ويوفقكم ويحفظ بلادنا من كل شر وسوء».
