قوات خارقة لعامل نظافة بأوسيم: بياكل الإزاز ومبيحسش بالنار «فيديو»
قوات خارقة لعامل نظافة بأوسيم: بياكل الإزاز ومبيحسش بالنار «فيديو»
قطع الزجاج بأسنانه مثل أكل «الفسدق»، النار كالماء لا ترهق جسده، يمرر عليها لسنانه بسهولة، الفحم المشتعل يأكله كما لو يتناول الفاكهة، قدرات خارقة يتمتع بها ربيع الزيني، 58 عامًا، القاطن في مدينة أوسيم بالجيزة، حيث اكتشف قدرته على فعل أشياء غير عادية لا يقدر على الإنسان الطبيعي تحملها.
القصة بدأت منذ 5 سنوات بالصدفة
منذ 5 سنوات فقط، اكتشف «ربيع» قدرته على فعل الخوارق، دون أن يشعر بشيئًا من الألم أو الخوف. يقول «ربيع»: «بالصدفة وأنا ماشي من 5 سنين لقيت نفسي بقدر أشيل حاجات تقيلة بسناني بدون أي تعب، والموضوع لما بقى غريب بدأت ألمس النار لقيت نفسي مابحسش بآلام منها، وبعدها كل حاجة جت بعد كدة، وبمسك قطع الزجاج أكسرها خالص بسناني والفحم باكله عادي جدًا».
ربيع: بحاول أتجنب الناس
يحكي «ربيع» أنه يقطن في بيت مكون من 7 أفراد، رفقة زوجته وأولاده الخمسة، ويتعامل بطريقة لينة مع أهالي منطقته، متجنبًا كل أنواع المشاكل أو المعارك، مبرهنًا أنه إذا دخل في صدام مع أي شخص، سوف يسبب له مشاكل جسدية خطيرة، مضيفًا: «الناس هنا بتحبني ومابتخافش مني لأني راجل بسيط في تعاملي معاهم، بس لو اتخانقت مع حد هعمله مشاكل وده هيخلي الناس تخاف مني، عشان كدة بتجنب كل ده وعمري ما استخدم قوتي في الشر».
اقرأ أيضًا.. مهندس يرمي "رزم فلوس" من البلكونة في أوسيم
يعمل «ربيع» كعامل نظافة في إحدى المؤسسات الحكومية الموجودة في منطفته، مشيرًا أنه رجل بسيط جدًا وراض بحياته الأقل من المتوسطة، ويضيف: «أنا راجل غلبان ومش عاوز حاجة في الدنيا غير إن أولادي يبقوا بخير، والحمدلله على النعمة اللي ربنا عطهالي».
