وزير المالية: العالم أجمع يتوقع انتعاشة الاقتصاد المصري بعد كورونا
وزير المالية: العالم أجمع يتوقع انتعاشة الاقتصاد المصري بعد كورونا
أوضح الدكتور محمد معيط، وزير المالية، أن العالم أجمع يتوقع أن تعود مصر بعد انتهاء جائحة كورونا المستجد، لاستعادة عافيتها الاقتصادية، لأنها قادمة من نمو موجب، وليست كباقي دول العالم قادمة من نمو سالب، قائلا: «هتقدر الدولة تكمل بسرعة عمليات الإصلاح الاقتصادي التي بدأتها قبل الأزمة العالمية، وبالتالي الدين المصري هيرجع ينزل تدريجيا، وهتعمل فائض أولي، يعني إيرداتها بتغطي مصاريفها وبيفيض ما عدا خدمة الدين، واللي بيفيض بتاخده تسدد بيه جزءا من خدمة الدين، وبالتالي عجزها الكلي عمال بيقل سنة ورا سنة، وبالتالي دينها بيقل وخدمة دينها بتقل، فتبدأ تروح إيرداتها لخدمة تحسين مستوى معيشة مواطنيها».
«معيط»: هفضل قلقان طول ما شايل أمانة وزارة المالية
وأضاف «معيط»، خلال مداخلة هاتفية، مع برنامج «حضرة المواطن»، من تقديم الإعلامي سيد علي، والمذاع على شاشة «الحدث اليوم»، «طالما مسئولية أسرتك في رقبتك، فأنت بطبيعة الحال بتعيش في هدف واحد أزاي هتمشي حال الأسرة، وازاي توصلهم لبر الأمان، وكذلك وزير المالية حالف اليمين وأقسم أن يحافظ على الأمانة اللي معاه دي، فهيفضل طول عمره قلقان، وهو في وظيفته، لغاية ما يسلم الأمانة للشخص اللي هيجي يستلمها منه».
وزير المالية: نعمل على تحقيق خطة الدولة
وأوضح وزير المالية: «بس وهو بيعمل الكلام ده، بيحاول يحقق خطة الدولة والحكومة، أحنا محددين خططنا، وأهم خطة عندنا، تتمثل في أننا لابد أن نستمر في النمو، ونستمر في خلق فرص العمل، ولابد أن نستمر في تحسين مستوى المعيشة، فعندنا مستهدفات، أيوه ساعات بتزنق، بس بقول لزميلي خد بالك أحنا شركاء متضامنين في الوصول بالبلد لبر الأمان، فمعليشي هتتحمل أننا أديلك الجزء ده، والموزانة الجاية أديلك الجزء ده، فأنا ممكن أتصرف بالطريقة دي، وبحاول بقدر الإمكان مع كل زملائي بمجلس الوزراء، أننا نكون متفاهمين».
