تورتة كشري وبوكيه عيش محمص.. احتفل بعيد ميلادك في محل "الحاج محمد"
تورتة كشري وبوكيه عيش محمص.. احتفل بعيد ميلادك في محل "الحاج محمد"
خدمة خاصة مقدمة ليس لعشاق طبق الكشري، ولكن لمدمني تلك الأكلة المصرية الشهيرة، التي على الرغم من بساطة مكوناتها إلا أنها أصبحت تقدم أثناء الاحتفالات وبعض المناسبات العائلية والشخصية، وهو ما دفع أحد محال الكشري في منطقة بشتيل التابعة لحي إمبابة، إلى تقديم فكرة مبتكرة لعشاقه، بتصميم "تورتة الكشري"، كنموذج للاحتفال بأعياد ميلادهم داخل المحل.
قالب تورتة بمقاس 30 سنتيمتر وارتفاع 10 سنتيمتر، صممه المحل خصيصاً، لمحبي الكشري، الذين يقدسون هذا الطبق المميز، وبحسب محمد علي مدير المحل: "طبق الكشري ده مش مجرد طبق بيتاكل يتسد به الجوع، لكن ده بالنسبة لعشاقه طبق بيستمتعوا بكل معلقة فيه، وبياكلوا في أي وقت ده ممكن زباين تعيش على الطبق ده طول اليوم وتاكله في كل الوجبات، فقلنا نحتفل بهم وندعم حبهم للكشري بطريقة تسعدهم، ففكرنا نعمل تورتة الكشري وكان أول احتفال داخل المحل لطفل صغير على طول بييجي عندنا وعملنا له عيد ميلاده في المحل".
استغرق تنفيذ "التورتة" 3 أيام عمل متواصلة: "الكشري تقيل وعلشان يتعمل تورتة كان صعب، وكل شوية يقف ويتفك مني والإطار بتاع التورتة من بره كان صعب جداً، ومكنش ،وأنا كنت مصمم أني أنفذه، وكان مشجعني أصحاب المحل الحاج أشرف وأمين، قالوا لي خد راحتك وطلع لنا تورتة كشري المنطقة كلها تحلف بها".
ووفقاً لـ "محمد"، صمم أيضاً بوكية ورد من العيش المحمص ويقدم مجاناً مع التورتة والسلطات: "بنجهز المحل وبنحط بلالين ونزينه وكل ده مجاناً"، مؤكداً أن سعر التورتة 110 جنيهات.
ردود فعل قوية من محبي الكشري بالمنطقة، رصدها "محمد" في الإقبال على "تورتة الكشري"، والحجز لإقامة أعياد الميلاد في المحل، مؤكداً أن التورتة تكفي لعدد أفراد يتراوح بين 5 و6: "التورتة بينزل معاها الدقة والشطة ومفيش وقت محدد للاحتفال لحد ما يزهقوا يمشوا".
