عروض مغرية لغير القادرين.. علبة حلوى المولد بـ50 جنيها: كله هياكل ملبن
عروض مغرية لغير القادرين.. علبة حلوى المولد بـ50 جنيها: كله هياكل ملبن
رأفة بحال الأسر محدودة الدخل، تقدم بعض محلات الحلويات عروضاً مغرية، من خلال بيع علب حلوى مولد النبوي، بأسعار تتراوح بين 40 و50 جنيهاً، بهدف تشجيعهم على الشراء والاحتفال بهذا اليوم.
داخل أحد محلات الحلويات، بمدينة طنطا، قدم وائل عبدالسلام، أسعار خاصة للأسر محدودة الدخل، لا تتعدى 50 جنيهاً: "لازم نعمل حساب الناس اللي قد حالها ونفسهم في الحلويات وده عيد بيجي من السنة للسنة والعلبة دي بتبقى جاهزة وبتتباع مشكل".
بحسب "وائل"، تزن هذه العلبة كيلو جرام: "فيها من كل حاجة 3 قطع سمسمية وفولية وحمصية وملبن وقرص الحلاوة بالحمص"، حيث اعتاد كل عام على تخصيص علب لهؤلاء الأسر، حتى يشجعهم على الشراء: "الناس دي بتتبسط جداً أنها بتلاقي أسعار مناسبة تقدر تشتري بها وتفرح أولادها، والحقيقة أن دي حاجة بتسعدني وبتحسسني أني بقدم مساعدات للأسر البسيطة اللي زيهم".
ووفقاً لـ"وائل"، يستمر في البيع بهذه الأسعار حتى نفاد المنتجات: "بعد المولد يتبقى بواقي المنتجات دي بتتباع بأسعار أقل أكتر من كده".
بنفس الأسعار يبيع عبدالفتاح حنفي، صاحب محل للحلويات بمنطقة عزبة النخل، ويوجد نوعان من العلب بـ 40 جنيها، وزنها كيلو، وتتكون من "فولية، سمسمية، حمصية، ملبن الأحمر، قرص الحلاوة الأبيض بالحمص"، وأخرى بـ 50 جنيها، ولها نفس المكونات إضافة إلى قطعتين بسيمة وبسبوسة: "في غلابة كتير مستنين علب زي كده عشان يقدروا يشتروا وبيفرحوا بها، وطعمها حلو جداً مش بتفرق عن الغالية خالص وزي ما بنهتم بالزبون اللي بيدفع بنهتم بغير المقتدر عشان أفرح الناس".
وبحسب "عبدالفتاح"، يتيح أيضاً الشراء بالقطعة الواحدة وسعرها يتراوح بين 3 و4 جنيهات: "دي بيفضلها الناس اللي بتحب تزود نوع معين في الحلويات أو بتحب تشتري نوع واحد وبس".
