السيسي عن تأهيل الشباب: الدولة صاحية أوي لكل حاجة
السيسي عن تأهيل الشباب: الدولة صاحية أوي لكل حاجة
- السيسي
- الأسكندرية
- برج العرب
- الجامعة المصرية اليابانية
- السيسي
- الأسكندرية
- برج العرب
- الجامعة المصرية اليابانية
علق الرئيس عبدالفتاح السيسي، على جانب من عرض الدكتور عمرو طلعت، وزير الاتصالات وتكنولوجيا المعلومات، على الماجستير العملي، قائلا: "لما كنا بنتكلم في الموضوع ده مع دكتور عمرو في سنتين، سنة للتخصصي ومشروع التخرج، وسنة للغة، لكن قلتله إن ده كتير على تأهيل وتعليم خريج بيدور على فرصة عمل، خليها سنة، ومستعدين نوفر مكان للإقامة الكاملة والإعاشة والتعليم".
وأضاف الرئيس السيسي، خلال افتتاحه مشروعات لوزارتي التعليم العالي والتربية والتعليم بالإسكندرية، أنّ من سيتم تأهيلهم 1000 شاب: "مش عشان معندناش أماكن لأكتر من كده، لكن الاستهداف إننا نلاقي المستوى المتقدم علميا وفنيا، لو لقينا 5000 مستعدين ليهم، الدولة دي قاعدة صاحية أوي، صاحية خالص في كل شيء، وفي دول جنب مننا سبقتنا في الذكاء الاصطناعي بـ30 سنة بالشغل".
وتابع الرئيس: "الشباب دول هيتعملهم اختبارات قوية جدا، هما مش هيكونوا في الجيش بس بوفر عليهم مجهودهم، ويفضلوا في المكان ويكون في إعاشة كاملة، عاوز أركز الجهد معاه لمدة سنة وأخرجه بمستوى لغة متقدم جدا والمواد التخصصية، وبعلن الكلام ده لأسر مصر وشباب مصر عشان تنتبه للكلام ده".
ويفتتح الرئيس السيسي اليوم لجامعة المصرية اليابانية للعلوم والتكنولوجيا، وهي جامعة بحثية حكومية مصرية ذات طبيعة خاصة، مملوكة بالكامل للحكومة المصرية، وتم توقيع الاتفاقية الثنائية لإنشاء الجامعة بين حكومتي مصر واليابان في مارس 2009، حيث بدأت الدراسة في مرحلة الدراسات العليا في 8 برامج هندسية في فبراير 2010، وتخرج نحو 263 طالب ماجستير ودكتوراه في الجامعة حتى الآن، يعمل معظمهم كأعضاء هيئة تدريس في الجامعات الحكومية والمراكز البحثية المصرية.
وتعتمد سياسة الجامعة على الاستفادة من النموذج الياباني في "التعلم النشط المبني على التجريب والابتكار" والذي يعتمد على البحث العلمي والتطبيق العملي ومنهجية حل المشاكل؛ وتنفرد الجامعة بتخصصات أكاديمية بينية متفاعلة مع القطاعات الصناعية والإنتاجية والخدمية، وهي جامعة بحثية من الطراز الأول حسب المعايير العالمية.
وتم توقيع بروتوكول إنشاء المرحلة الأولى لحرم الجامعة في مدينة برج العرب الجديدة في 14/5/2016 بمبلغ 1.25 مليار جنيه، كما تم توقيع بروتوكول المرحلة الثانية في 21/8/2017 بمبلغ 3.75 مليار جنيه؛ هذا وتبلغ نسب التنفيذ في كل من المرحلة الأولى والثانية 100%، وقد بدأت الدراسة بالفعل في الحرم الرئيسي للجامعة في سبتمبر 2019.
