السيسي: والله لو عندي 100 ألف شاب هدربهم عشان يكسبوا كويس

قال الرئيس عبدالفتاح السيسي، إنّ الحكومة المصرية تعمل على تدريب الشباب للالتحاق بسوق العمل الحر، الذي يشهد نموا في الوقت الحالي، كما أنّه مبني على الكفاءة والمنافسة الحرة.

وأضاف الرئيس السيسي، خلال كلمته في افتتاح مشروعات تابعة لوزارتي التربية والتعليم والتعليم العالي: "محدش هياخد فرصة حد، وقولنا كدولة ندخل هذا المجال بقوة لأن عندنا شباب كتير وواعد، وبالتالي قدرنا نجهزه ونأهله ونديله فرصة، وبالتالي عملنا برامج اختيار الشباب وانتقائهم وتأهيلهم، والتأهيل يتراوح تكلفته من 3 آلاف لـ100 ألف جنيه، وهو تأهيل عالي القيمة".

وتابع: "لو في مصر 20 ألف شاب من النوع ده وده مش موجود، وبقالنا 3 سنين بنعمل فرز علشان نختار الشباب الجاهزين لدخول المجال، لو جبتولي 100 ألف شاب من اللي عاوز 100 ألف جنيه هنعلمهم، ومش على حساب المواطن على حساب الدولة".

وتابع الرئيس: "الكلام ده كلام متداول على مدار سنين فاتت، ومفيش العدد اللي بقوله ده، والله لو عندي 100 ألف شاب هدربهم لأني هفتحله مجال يكسب كويس ويعيش كويس، وعاوز الموضوع يوصل للناس والأسر".

• السيسي
• الرئيس عبدالفتاح السيسي
• وزارة التربية والتعليم
• وزارة التعليم العالي
• السيسي
• الرئيس عبدالفتاح السيسي
• وزارة التربية والتعليم
• وزارة التعليم العالي