"إنقاذ حياة": جمع تبرعات لسد العجز في "حميات الصف"
"إنقاذ حياة": جمع تبرعات لسد العجز في "حميات الصف"
تعانى بعض المستشفيات من نقص الخدمات والأجهزة الطبية، بسبب زيادة الضغط عليها، الأمر الذى دفع متطوعين بمدينة الصف التابعة للجيزة، إلى إطلاق حملة «إنقاذ حياة»، بهدف جمع تبرعات وسد العجز فى مستشفى حميات الصف، لمساعدة الفريق الطبى على استكمال دوره حتى انتهاء أزمة كورونا.
أحمد كمال، صيدلى، ومسئول الحملة، التى بدأت منذ أسبوعين، يحرص يومياً على جمع التبرعات وشراء الأدوات الطبية: «عرفت كل النواقص اللى محتاجها المستشفى من رئيس التمريض إسراء رمضان، اللى ساعدتنى أعرف إيه اللى أجيبه وأتبرع به عشان يقدروا يكملوا شغلهم ويساعدوا المرضى، مش بس مصابى كورونا وكمان مصابى الأمراض المختلفة اللى موجودين فى المستشفى»، بحسب «كمال»، الذى يرى أن المتطوعين يشعرون بحجم الأزمة التى تمر بها المستشفيات حالياً، وحاجتها الشديدة لبعض الأجهزة والأدوات الطبية.
«2 أسطوانة أكسجين، 2 منظم، 2 جهاز نابوليزر، جهاز قياس أكسجين الدم، 4 جهاز فلوميتر، 16 كابل مونيتور متنوع، وصلة رسم قلب، وصلة بلس، وصلة حرارة وضغط، 25 وصلة فنت، 15 قسطرة»، أدوات طبية تم شراؤها منذ يومين، وتسليمها إلى المستشفى بعد التأكد من جودتها: «مش بس مصابى العزل المنزلى اللى محتاجين دعم، كمان اللى جوه المستشفيات وخصوصاً الأطباء اللى بيشتغلوا بأقل الإمكانيات».
