فيديو.. "بشوفك بتوتر" بكاء وصراخ ريهام عبدالغفور في "رامز مجنون رسمي"

07:43 م | السبت 09 مايو 2020

وقعت الفنانة ريهام عبدالغفور، ضحية برنامج المقالب "رامز مجنون رسمي"، الذي يقدمه الفنان رامز جلال" على شاشة "mbc مصر".

وبدا على وجه ريهام عبدالغفور، تأثير الصدمة فور اكتشافها أنها ضحية مقلب رامز جلال، قائلة: "يا نهار سود.. اتقي الله يا ابني.. يخربيت عقلك، قلبي هيقف، اتخضيت.. يادي النيلة السوده".

وتابعت ريهام: "بلاش حركاتك يارامز.. إيه القرف ده؟.. بشوفك بتوتر وجهازي العصبي بيتدمر".

وسألها الفنان رامز جلال، عن رأيها في لون شعره، وردت: "لذيذ.. بس وحياة أمي لو رشيت عليا هوريك.. بلاش غلاسة"، وبدأ رامز في رش شعرها بالألوان المختلفة لتصرخ ريهام عبدالغفور: "يابني شعري هيبوظ.. إيه القرف ده؟".

وبدأ رامز جلال، في تحريك ورفع الكرسي الذي تجلس عليه ريهام عبدالغفور، لتصرخ الفنانة: "بخاف يا رامز متهزرش.. ومبحبش الحاجات دي.. يارامز والمصحف هجيب اللي في بطني، لو سمحت أنا دوخت وإيدي نملت.. مبحبش الهزار ده.. هرجع ياجماعة".

وتابع الفنان رامز جلال، تنفيذ المقلب لتبكي الفنانة ريهام عبدالغفور: "والمصحف ما قادرة.. أعصابي سابت بجد.. يا جماعة حرام عليكو، والله العظيم تعبت.. أبوس إيدك تعبت ومش عاوزة أقل أدبي".

وانهارت الفنانة ريهام عبدالغفور، أمام فقرة التانك: "معنديش نفس وبتخنق عندي فوبيا.. يارامز يازفت انت بتضحك على خيبة إيه؟.. مبحبش الهزار ده وحياة ولادك خلاص بقى أنا تعبت واتخنقت"، وأجبر رامز جلال، ريهام عبدالغفور، على الضحك تحت تهديد الثعبان.

وفي نهاية المقلب استدرجها الفنان رامز جلال، للوقوع في بركة مياه لتسقط بها، لتفقد ريهام عبدالغفور، أعصابها: "طلعني ده انت غبي، جاتك القرف يا شيخ"، وضربته ريهام عبدالغفور، بساقيها، ليستدرجها الفنان رامز جلال للسلالم المليئة بالصابون لتسقط ريهام مرة أخرى: "والمصحف ما عندك دم.. ده انت بارد".