هشام سليم عن الأزمة مع ياسمين عبدالعزيز: "بنتي خدت حقها بيدها"
هشام سليم عن الأزمة مع ياسمين عبدالعزيز: "بنتي خدت حقها بيدها"
تحدث الفنان هشام سليم عن علاقته، ببناته، خلال استضافته ببرنامج "شيخ الحارة والجريئة"، الذي يعرض عبر شاشة "القاهرة والناس"، من تقديم المخرجة إيناس الدغيدي.
وقال : "مكنوش بيحبوني زمان، بس لما كبروا وعرفوني حبوني، وده لأني كنت بحاول أربي فيهم حاجات مكنوش فاهمنها، ولما كبروا فهموها الحمد لله، والحمد لله عمرهم ما اتفرجوا لي على فيلم".
وأضاف، أن والدتهن تتحدث الإنجليزية بطلاقة، كما أنهن دخلن مدارس أجنبية، وهو ما جعله حريصًا على أن يدفعهن إلى تعلم اللغة العربية ولكن كان الأمر صعبًا جدًا بالنسبة لهن.
وتابع: "زمان الأب كان حاجة أساسية، لكن دلوقتي مبقوش محتاجين للأب زي ما هم محتاجين إلى النت، يسألوا صحابهم ويقروا على النت ويقولوا إني أب فاشل، أنا مش فاشل بس دقة قديمة بالنسبة لبناتي".
كما علق على أزمة ابنته مع الفنانة ياسمين عبدالعزيز، وقال: "كل اللي قاله رئيس الزمالك غلط، وكل الحاجات ظهرت لما المحامي بتاعي تدخل، والشهادات الطبية كانت غلط، وقالوا نخلص الموضوع أحسن، وجوزها وقتها جه وخلص الموضوع عندي في البيت".
وأشار، إلى أنه رفض الاعتذار للفنانة ياسمين عبدالعزيز: "كلمتها وأدت التليفون لجوزها وقفلت معاهم، هي معتذرتش لبنتي ليه، دي عندها فوق الـ30 سنة وبتتخانق مع بنت عندها 17 سنة، مين المفروض يبقى عاقل، مفيش كلام بيننا، حاولت مرة أسلم عليها لاقتها سلمت عليّ وبصت الناحية التانية، هي كده مش هغيرها، هي اللي اتخانقت مع بنتي، وبنتي أخدت حقها بيدها"
