فيديو.. هشام سليم: غسلت عربيات واشتغلت جزار عشان أجيب فلوس
فيديو.. هشام سليم: غسلت عربيات واشتغلت جزار عشان أجيب فلوس
قال الفنان هشام سليم إنّه وصديقه كانا يغسلان سيارات المواطنين في منطقة العجمي بالإسكندرية مقابل الحصول على أموال، مضيفا: "العجمي كانت فيها تراب كتير، وكنت أنا وصاحبي بنغسل عربيات الناس مقابل أجر".
وأضاف سليم خلال حواره في برنامج "قهوة أشرف" على شاشة "الحياة": "أيام الجامعة امتهن في الجزارة والطبخ، ودلوقتي مش بعرف أطبخ عشان بقالي فترة كبيرة مش بدخل المطبخ، بس يوم ما أتزنق هطبخ أي حاجة".
وتابع: "كنت بعمل كده في الصيف عشان أجيب فلوس بدل ما أخد فلوس من أهلي، وهي شغلانة بخدم بيها الناس وبخدم بيها نفسي، كنت بنضف العربيات وأجيب فلوس وأخويا ياخدهم".
وواصل: "العجمي كانت عبارة عن فيلل فقط، بين كل فيلا والثانية 500 متر، وكان فيها مزارع تين، والعرب كانوا بيجروا ورانا عشان بناكل تين، ونطلع ليهم أي قرش عشان نبقى ناكل براحتنا، الناس كانت بتشجعني على مهنة تنظيف السيارات وكنت باخد جنيه على كل عربية".
