أستاذ صحة عامة: الفسيخ "أكلة معفنة".. بس نعمل إيه في نفسية الشعب؟

حذر الدكتور عبداللطيف المر أستاذ الصحة العامة والطب الوقائي، من تهاون المواطنين في يوم شم النسيم وعدم اتباعهم الإجراءات الوقائية والاحترازية ضد فيروس كورونا.

وأضاف "المر"، خلال اتصال هاتفي ببرنامج "صباح الورد"، المذاع على شاشة قناة "ten": "شم النسيم مش يوم عادي، كل الناس متعودة تطلع فيه، عاوز أقول للناس إذا كنا رضينا نوقف الجامعات ويوم الجمعة والقداس عشان الصحة تمشي وماتنهرش البلد عشان يومين فسحة".     

وتابع أستاذ الصحة العامة: "إيه اللي يمنع يكون فيه حظر في شم النسيم زي يوم الجمعة والسبت؟ أنا مش بنادي بإغلاق البلد عشان الاقتصاد، بس بقول يبقى فيه حظر على الشواطئ والفسح".

واستكمل: "أقعد في البيت وكل فسيخ، أنا كلت نص فسيخاية وبصل من مكان حلو أوي ومملح، الفسيخ أكلة شبه معفنة علميًا لا أنصح به أصلا بس متعودين ناكله نعمل إيه في نفسية الشعب المصري اللي أنا واحد منهم، متكلهوش لو تقدر طبعا، والرنجة أحسن شوية من الفسيخ".             

• الفسيخ
• شم النسيم
• كورونا
• فيروس كورونا
• الحظر
• الفسيخ
• شم النسيم
• كورونا
• فيروس كورونا
• الحظر