وزير التعليم: "مظنش إن الدراسة هترجع الأسبوع اللي جاي"

01:55 ص | الجمعة 20 مارس 2020

قال الدكتور طارق شوقي، وزير التربية والتعليم والتعليم الفني، إنه لا يعتقد أن الدراسة ستعود الأسبوع المقبل.

وأضاف شوقي، خلال مداخلة هاتفية ببرنامج "على مسؤوليتي" الذي يقدمه الإعلامي أحمد موسى على شاشة "صدى البلد"، "لسه قدامنا وقت وصاحب الإجابة في الموضوع دا وزارة الصحة ومنظمة الصحة العالمية، لأن هما اللي بيمدونا بأي جديد، وكل اللي إحنا شايفينه بيقول إن لسه قدامنا شوية".

وتابع: "إحنا بنحاول نحد من انتشار الفيروس إلى أن يكون فيه علاج، ولازم نقلل جدا أعداد المصابين، وأسبوعين التأجيل فات منهم أسبوع وكأنك بتقولي بعد أسبوع هنرجع وفي ضوء كل اللي شايفينه معتقدش".

وأوضح: "إحنا بنخطط لأسوأ سيناريو، ولو تحسنت الأوضاع كلنا هنبقى سعداء، وفي أسوأ الظروف بنحل ولن نضيع على أولادكم يوم من حياتهم ومش هنضيع السنة الدراسية، وعاملين مكتبة مسلية أكتر بكتير من اللي كانوا عليه قبل كدا".

وأوضح: "نظام التعليم الجديد مفيش منه خوف وهيساعد الطلاب إنهم يطلعوا السنة اللي بعدها، وكويس إن عندنا القدرة إننا نوصل للطلاب بالتكنولوجيا، وهي حصاد 5 سنوات من العمل تجمعت وأظهرت القدرة على أننا مش بس بنحل مشكلة لكن نظام التعليم اللي معمول بالأدوات دي هيجيب نتيجة أفضل بكتير جدا من القديم".