نجل الشهيد علي فهمي: فخور بوالدي "نفسي أطلع ضابط زيه"
نجل الشهيد علي فهمي: فخور بوالدي "نفسي أطلع ضابط زيه"
عبّر ياسين علي، نجل الشهيد العميد علي أحمد فهمي، رئيس مرور المنيب، عن فخره بوالده الشهيد، الذي ضحى بروحه لحماية مصر والحفاظ على استقرارها، "بفتكره لحد دلوقتي، بفتكره لما كان بيتكلم معايا وبنزل معاه".
وقال ياسين علي، في لقاء ببرنامج "اليوم"، المذاع على شاشة قناة "dmc"، الذي تقدمه الإعلامية سارة حازم، "أبويا ضحى بنفسه لحماية الشعب المصري، وأشعر بسعادة بالغة لقيامه بذلك، وفخور بوالدي، وأتمنى يكون معايا".
وتابع: "بفتكر أيام لما كان بيقعد معايا، وكنت بنزل الشغل معه، وكنت أشاهد طريقة تعامله مع الناس، وكنت أسأله على حاجات كتير"، مستكملا: "أنا عايز أطلع ضابط لما أكبر عشان أكون زي أبويا".
وتحتفل مصر يوم 9 مارس، بيوم الشهيد، وهو يوم استشهاد الفريق أول عبدالمنعم رياض، في إحدى معارك حرب الاستنزاف.
