بريد الوطن.. مسامحك
بريد الوطن.. مسامحك
سواد الليل سكن عينك
وسحر الفجر فى ملامحك
وأنا سهران بقول فينك
جرحتينى وأنا مسامحك
وسألونى عن القصة
قلت حكاية وانفضت
صحيح بكدب وأقول بنسى
لكن من جوايا بشتقلك
سراب طيفك فى سكتنا
وصوتك وقت ضحكتنا
فارقنا بعض من إمتا
ولسه ملامحى فى مرايتك
وقالوا حب من تانى
وحب ينسى حب وعيش
دى مش مقسومة علشانك
وأعتبرها لحظة طيش
أقول طيب هحب إزاى
وجرحها فى الضلوع خرابيش
وبحتار لما بفتكرك
ما بين حبى وبين جرحك
ونص يقول سيبك منها
ونص يقلى حنلها
ما بين الطيبة والقسوة
أدعى عليها ألاقينى بدعلها
وأهى أيام وهتعدى
محمد عبدالعزيز ميجان
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
