بريد الوطن.. محسود
بريد الوطن.. محسود
نساى يا زمان نساى
بتموت ف الحزن إزاى؟
وإن عزت الفرح تجيبلى
أكوام م الهم.. حداى
لو نفسى قالت شربات
تملالى الزير.. بالشاى
ولا ندعة سكر فيه..
والمر ساكن جواى
نساى يا زمان نساى
ما وراكش إياك إلاى؟
الناس ركبت صواريخ
وانا لسه ف عد خطاى
والريح تكنس فى بلاطى
واشمعنى بس معاى
وانا حامد ربى وشاكر
ولخيره عمرى ما ناكر
والعين صايدانى إزاى؟
بتحوق فيّا لوحدى
وكإنه ما فيش إلاى
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
