"الفن بيسرق العمر".. راندا البحيري تدعم يوسف فوزي
"الفن بيسرق العمر".. راندا البحيري تدعم يوسف فوزي
دّعمت الفنانة راندا البحيري، الفنان القدير يوسف فوزي، بعد حديثة لـ"الوطن"، عن مرضه بـ"شلل الرعاش"، الذي أصابه ومنعه عن التمثيل، وعانى بسببه من حالة نفسية سيئة.
وقالت "البحيري"، خلال منشور لها عبر صفحتها الشخصية بموقع التواصل الاجتماعي "فيسبوك": "أستاذ يوسف فوزي قرر أنه يشاركنا مرضه، وحابب بإرادته إنه يطلع ويتكلم، أغلب اللي متضايقين من الفيديو، متضايقين عشان خايفين علي نفسهم، مش عايزين يشوفوا حاجة وحشة، مش عايزين يفتكروا المرض مش عايزين نتعظ من حاجة".
يوسف فوزي: رفضت عروضا فنية لتجسيد حياة مصاب بالشلل الرعاش
وتابعت: "على فكرة الله يشفيه ويعافيه، الفيديو ده هيبقي سبب لحاجات حلوه كتير اوي، أستاذ يوسف في أول الفيديو قال حِكَم اقسم بالله، قال الفن يا جماعه بيسرق العمر، وقال كمان حاجه أنا كنت دايما بفكر فيها، بس معرفتش أفسرها زي ما هو بخبرته فسرهالي في الفيديو ده".
وأضافت: "قال كل يوم بنصحى الصبح بنسيب شخصيتنا وبنلبس شخصية تانية، نعيش بيها طول اليوم، ونرجع ننام ونصحى نلبس شخصية تالتة، ونرجع ننام ونصحى وهكذا، عشان كده جت كلمة (الفن بيسرق العمر) من هنا إن احنا الكام سنة اللي عايشينهم في حياتنا، مش بنعيشهم بأسامينا بالطول والعرض، لا بنعيش جوا شخصيات غيرنا، عمرنا بيتاكل".
يوسف فوزي: أحمد زكي كاد أن يموت بسببي في "النمر الأسود"
واختتمت راندا البحيري رسالتها: "بدعي كل زمايلي وأصحابي أننا نفكر تاني، وتالت، في حياتنا، وفي ولادنا. وحبايبنا، وفي نفسنا، ونعيش للفن ولنفسنا مع بعض".
