أديب لـ"أمير قطر" عن المقاول الهارب وهاني صبري: عالم بتسرب.. هات غيرهم

كتب: محمود البدوي

أديب لـ"أمير قطر" عن المقاول الهارب وهاني صبري: عالم بتسرب.. هات غيرهم

أديب لـ"أمير قطر" عن المقاول الهارب وهاني صبري: عالم بتسرب.. هات غيرهم

عرض الإعلامي عمرو أديب، جزءا من تسريبات للمقاول الهارب محمد علي، مع القيادي الإخواني هاني صبري، يتم التخطيط فيه لتحريض المواطنين على إثارة الشغب والخروج فيما سماه "ثورة" يوم 25 ديسمبر الماضي، وتم الاتفاق في الجروب الذي سُربت منه المحادثة أن تكون التظاهرات الساعة الرابعة عصر يوم 25 ديسمبر.

وأضاف "أديب"، خلال تقديمه برنامج "الحكاية"، الذي يُعرض على شاشة "MBC مصر"، أن محمد علي شدد خلال التسريب على تصوير وتوثيق التظاهرات التي ستخرج للشوارع، وقال "معرفتش تجيب مظاهرة 30 ثانية"، بينما رد هاني صبري: " مش مهم التصوير والتوثيق".

وقال أديب: " كانوا عاوزين يعملوا 25 ديسمبر قبل 25 يناير،وده اللي بيعملوا محمد على، وده نتيجة فشل ذريع للمعارضة في الخارج، الناس دول مش بتوع ثورة دول بيدوروا على زعامة على جثث الناس، تعالى انت انزل في ميدان التحرير، ليه مش بتنزلوا عيالكم واخدينهم معاكم تركيا وقطر، ليه مش بتنزلوا تقودوا الثورة؟".

وواصل: "بيقولوا الفلوس بتاعت الشعب فين، الشعب فعلا فقير انتوا اللي معاكم الفلوس، ربنا قادر وعاوز يفضحهم ربنا لو بيحب الناس دي كان نصرهم، يا تميم الناس دي ليها تسريبات فى كل المواقع، خلاص هات طاقم جديد، هات ناس محترفة فى مجال الإعلام".


مواضيع متعلقة