للتخفيف عن الطلاب: مطرب مهرجانات شعبية في "درس نحو"
للتخفيف عن الطلاب: مطرب مهرجانات شعبية في "درس نحو"
- مدرس لغة عربية
- أغاني
- موسم الامتحانات
- طلاب المدارس
- المهرجانات الشعبية
- مهرجانات الشعبية
- مدرس لغة عربية
- أغاني
- موسم الامتحانات
- طلاب المدارس
- المهرجانات الشعبية
- مهرجانات الشعبية
قبل بدء موسم الامتحانات، يدخل الطلاب فى مختلف المراحل التعليمية فى حالة من التوتر والقلق، خصوصاً طلاب الصف الثالث الإعدادى، ما دفع حسام حامد، مدرس لغة عربية، إلى جمع طلاب المرحلة الإعدادية فى أحد السناتر الخاصة بمنطقة العبور، وشرح منهج النحو كاملاً، مع تقديم فقرات غنائية خلال الدرس، يُحييها بعض مطربى المهرجانات الشعبية.
"حسام": الحصة بـ25 جنيهاً.. وأجرة المطربين على حسابى
ينظم «حسام» يوم الجمعة من كل أسبوع، حصة خاصة بشرح منهج النحو كاملاً، بسعر 25 جنيهاً، وعندما ينتهى من شرح جزء كبير من المنهج، يستعين بمطربين شعبيين هما «عباس وعبدالرحمن»، للتخفيف عن الطلاب الذين يصابون بالتوتر الشديد فى هذا التوقيت: «أعصابهم بتبقى مشدودة وطول ما همّا فى الحالة دى مش هيقدروا يركزوا فى المذاكرة وهيفضلوا مضغوطين والحصيلة النهائية فى الامتحانات ممكن تبقى مش كويسة، فقلت أسعدهم بالأغانى الشعبية، ودى الطريقة اللى بيفضلها جيل اليومين دول».
«سواح، أصابك عشق، باين حبيت، 3 دقات، كل ما أقول التوبة»، بعض الأغانى التى قدمها المطربان باللون الشعبى الصاخب: «الفقرة الغنائية بتكون فى حدود 20 أو 25 دقيقة، وبعدين بنرجع للدرس تانى، والطلبة بيكونوا مبسوطين وحاسين إن عندهم طاقة إنهم يقدروا يستقبلوا أى شرح لفترات طويلة»، ويتحمل «حسام» تكلفة المطربين على نفقته الخاصة: «كنت طالب زيهم وعارف إن الفترة دى بتبقى صعبة، وكل اللى يهمنى إنهم يقدروا يحافظوا على طاقتهم عشان محدش فيهم يزهق ويفكر فى أفكار سلبية»، لافتاً إلى أنه يقوم بالتدريس بطريقة مختلفة ومميزة، من خلال تمثيل بعض الشخصيات التاريخية الخاصة بقصة منهج العربى.
