للرياضيين فقط: وجبات لبناء العضلات فى مطعم بالمعادى
للرياضيين فقط: وجبات لبناء العضلات فى مطعم بالمعادى
- الرياضيين
- الوجبات السريعة
- بناء العضلات
- الجسم
- المعادى
- الرياضيين
- الوجبات السريعة
- بناء العضلات
- الجسم
- المعادى
«وجبات صحية متكاملة للرياضيين»، فكرة خارج الصندوق حاول تنفيذها صاحب مطعم فى منطقة زهراء المعادى، حيث وجد فى هذه الطريقة فكرة جيدة لمساعدة الرياضيين على بناء العضلات.
"أشرف": نحارب مطاعم الوجبات السريعة بمأكولات صحية
أشرف حسين، صاحب الفكرة، يقوم بها بعد مروره بتجربة شخصية حاول من خلالها إيجاد طرق مثالية لبناء العضلات: «باحب الرياضة، بدأت من 4 سنين أروح الجيم، كنت بعانى عشان ألاقى أكل يكون مناسب ليّا، خاصة إن الوجبات السريعة المليئة بالدهون أصبحت منتشرة، وعاوز آكل طعام مناسب فى بناء العضلات».
يوفر المطعم طبيب تغذية يتابع مع الرياضيين الأنظمة الغذائية المناسبة لهم: «الوجبات لازم تحتوى على بروتين وكربوهيدرات ودهون صحية وألياف وكل حاجة من العناصر الغذائية دى نسبها بتختلف من شخص للتانى على حسب طبيعة جسمه وأماكن تكوين العضلات».
ويقوم المطعم بتوفير نظام «الباكدج» الشهرى على الوجبات: «فيه ناس بتابع معانا بنظام شهرى بنقدم لهم وجبات كل يوم، وطبعاً الوجبات بتختلف على حسب طبيعة العمل، فيه شخص بيتحرك وبيروح مواقع، وشخص تانى قاعد على المكتب طول الوقت».
وبحسب «أشرف»، فإن أسعار الوجبات متوسطة: «إحنا كان هدفنا إن الفكرة لا يتم تطبيقها للرياضيين فقط، لكن أى حد وشخص عادى يأكل وجبات صحية متكاملة، نفسنا نغير وجهة نظر الناس فى الأكل، الفاست فود وصّل الناس لأمراض كتير جداً»، ويصف «أشرف» حالة الإقبال على المطعم بالمتوسطة: «الإقبال قريب من التوقعات، الناس لسه متمسكة بالأكل اللى متعودين عليه فى المطاعم العادية معتقدين إنه مشبع أكتر»، ويروى «أشرف» أن نتائج الأنظمة الغذائية الصحية تظهر على الجسم بعد شهر واحد: «لو شخص رفيع بيبان عليه أسرع»
